MATTHAI 27:22 - Khumi Common Language Bible

²² Naibaly nichi my ly, “Barabba ai,” napi. Pilata my ly nichi teng y, “Tumbaly Isu, Krista napi nai ai ly mana kasa ai mo?” napi. Nichi bawibawi my ly, “Kraws tleaung y tahen hai,” napi.

MATTHAI 27:22 ပူးပေါင်းရင်းမြစ်များ

JOBA 31:31

Kai ly apany vai y nai khumichi ai lamchung iy, pacho panei jojo reng, nanai kai i kalop sa pi nai khumi bawibawichi pany u nai ne.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

ZEKHARIAH 11:8

Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.

MATTHAI 1:16

Eleazara ly Mathhana ai sa; Mathhana ly Jakob ai sa; Jakob ly Krista napi nai Isu ai tapen nai Mari i juvo josepha ai sa.

MATTHAI 27:17

Hunaibaly nichi ly jeu u achu i Pilata ly nichi teng y, “Nangchi ly ami ai patheu pi ai nai ngai u mo?

MATTHAI 27:21

Na i py aripeng my ly, “Nini leaung nyhrei ai ly ami ai patheu pi ai nai ngai u mo?” nanai pathang bi.

MATTHAI 27:23

Naibaly ni my ly, “Ati na i bo? Ni i hawi y sa nai ati awm mo?” napi. Na i py nichi my ly, “Kraws tkeaung y talen hai,” napi nai khri pa-rei aeu na.

MARKA 14:55

Naibaly Isu ai padei u thai ai nai pathyp pi nai keung kalenchi hawi, tara chih nai keungchi bawibawi ly seu ai naira hau u ryry; na i py ngo pajau y.

JOHAN 4:25

Naibaly neampachy my ni teng y, “Messia, Krista napi nai ang jeu ai, nanai ly kai pany:ni ly ang jeu khala y ly ati cheaungkhang ang thui pi ai,” napi.

AMTAW 13:28

Mymy i tlang tleaung y dei ai ataing nai pa-rei ati sai py niu u y i py, Pilata teng y ni ai padei ai nai takeng u.

AMTAW 13:38

Hunaibaly amjo amnauchi awi, hini khumi i saho y kamngo pahen naira leu nangchi teng y thui pi nai he;