MATTHAI 26:38 - Khumi Common Language Bible

³⁸ Naibaly mymy ly nichi teng y, “Kai ly dei ai nai pa-rei khrikhri pa-rei paleung mawn na; hi y awm u ly, kai hawi vanrei ajeng u rym paryp ba,” napi.

MATTHAI 26:38 ပူးပေါင်းရင်းမြစ်များ

SAM 116:3

Deira ka-jei awm nai ly kai ai patiu bo; deira ly kai ai taki maimy awm; Kai ly jei hyn i, paleung mawn parai na bo.

SAM 42:5

Kai ly ati mana nai y paleung ama lawh mo? Ati mana nai y paleung bi paleung mawn lawh mo? Kai ly Tameuh ai athang khai naimy kaawm ai. Kai i atleu keung, kai i Tameuh ai kapalo bi ai.

Solomon i khulym 5:3

Kai ly ateaungchi aleng yb veng bo; huna nai y ati mana amchiu teang ai mo? Kheuchi py pasi pajau veng bo; ati mana nai y chai hai y teang ai mo?

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

ISAIA 53:12

Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

MATTHAI 25:13

Hunaibaly ajeng u rym paryp, ati mana nai mo nabaly nangchi ly kani py neng py pany y.

MARKA 14:34

Naibaly mymy ly nichi teng y, “Kai ly dei ai nai pa-rei khrikhri pa-rei paleung mawn na; hi y awm u ly, ajeng u rym ba,” napi.

JOHAN 12:27

“Vai kai paleung mawn parai; ati kathui ai mo hi ly? ‘Ngaai, hini neng y ly kai ai lawi hai kyh,’ napi ai mo? Na i py hina ai nai kai ly hini neng i vui katym nai tang.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I PETERA 4:7

Na i py atiti bawibawi i tem naira ly kasa bo, hunai deaungkho y nangchi ly chiu sa thai ai nai paleung kateng awm iy amkym u;