MATTHAI 25:6 - Khumi Common Language Bible

⁶ Naibaly aneng hyh khala y ly, ‘Khen cham, aju la nai keung ly tym bo! Mymy ai lamchung ai nai theu u jau! napi nai raawi thai bo.

MATTHAI 25:6 ပူးပေါင်းရင်းမြစ်များ

SAM 96:13

Ati mana nai mo nabaly Areng ly khaileaung pri y peang ai nai ang jeu nai deaungkho y ne. Mymy ly khaileaung pri khumi bawibawichi ai, leu meitang naimy peang ai.

SAM 98:9

mymy i mo y vanrei, amo theu khulym thui naimy palo u. Mymy ly khaileaung pri khumi bawibawichi ai leu meitang naimy peang ai.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

AMOS 4:12

“Hunai deaungkho y, aw Israela khumichi awi, kai ly nangchi ai kang pajeng ai nai tla ai. Hunai kamta pajeng ai nai deaungkho y, kai i tara chih naira avum ai nai angvei u rym!” napi.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

MATTHAI 24:44

Hunai deaungkho y nangchi py aeng ryhryh naimy awm u, nangchi i dawn y nai neng khala y ly Khumi i Chapo ly ang jeu ai.

MATTHAI 25:1

Huna nai khala y ly kani pri my peang nai ly anglo kachai leaung horei, aju la nai keung ai lamchung ai nai maisi syn iy chei naichi hawi pata ai nai tla bo.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

MATTHAI 25:5

Naibaly aju la nai keung ly jeu patyh kyh nai deaungkho y nichi bawibawi ly i kamhm ngam i, i u pawn veng bo.

MATTHAI 25:7

Hunaibaly huni anglo kachaichi bawibawi ly angthau u i, maisi kachi u bo.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

LUKA 12:46

huni miseaung i yhmkeung ly ni i dawn y nai kani y, pany y nai neng khala y ang jeu ai, naibaly khri pa-rei chip ajiu piu iy, khumi ka-ym by y naichi i nga nai kamta nga hai ai.

I THESALONIKA 4:16

Areng mymy kypkyp ly aeu nai katyn hawi, kani pri i amtaw thau nai salo keh i raawi hawi, Tameuh i baw katyn hawi kani mang i dengdairei ang satla kathiu ai; naibaly Krista y dei chum naichi ly angthau u man ai;

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

AMTENG HAI NAI 16:15

(Khen cham, kangviu kamta kang jeu ai: atyp iy mymy i kanih kry nai khumi ly taham hawi, ti y baly ni y tlang ka-keu pavai iy angji ngailai nai sai ang niu lawh na.)