MATTHAI 25:34 - Khumi Common Language Bible

³⁴ Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 25:34 ပူးပေါင်းရင်းမြစ်များ

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

LEU KACHENG 11:17

Khumi takhra ai pahen reng nai khumi ly amymy ai kahawi sa nai khumi ne; pahyp y naimy ana nai khumi ly amymy ai no patang hai nai khumi ne.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

DANIELA 9:25

Vai, kang thui pi nai ly hawihai palai tangai ba. Jerusalem mary sa palum teang ai nai leu pei nai dengdairei, Tameuh my vawi nai miteaung keh tym nai neng ryrei, saneng vui saryh nai meingtym saryhrei awm ai. Jerusalem mary ly lamchi, khaw parai nai mary apaichi hawi sa palum teang ai. Sa palum nai saneng vui tariu saryh nyhrei nai meingtym saryhrei tym pa-rei kra ai. Na i py huni neng ly patang nai neng ne ai.

ZEPHANIAH 3:15

Areng ly nangchi i kamngochi taphra ai; Mymy ly nangchi i paleung ka-echi ai, tama hai vui bo. Israela chengchi i samrang Areng ly nangchi hawi vanrei awm; Vai, nangchi ly jei ai naira by y leang bo.

MATTHAI 13:35

Amo my, “Pata nai leu y ly kathui pi ai i, Khaileaung palum angchei khala i dengdairei atiti heu nai ly kathui ai,” nanai thui nai ly tym thai ai nai, mymy ly pata nai leu ny y baly nichi teng y ati sai py thui pi y leang.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 20:23

Mymy ly nini teng y, “Kai i khau ly nangni ly nei hawi takengkei ai; na i py kai i lamtang mang y hawi langvawi mang y ateh ai nai leu ly kai i pei ai nai ny y leang Ngaai my sa pi rym naichi i vui ne ai,” napi.

MATTHAI 21:5

nanai, amo i labeaung thui nai ly tym thai ai nai huni ly awm nai bo.

MATTHAI 25:21

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; nang ly maiden chy naira y ka-ym awm i, nawi parai naira tleaung y kang khai ai mang; nang i yhmkeung i kawn naira y kawn teang,’ napi.

MATTHAI 25:23

Yhmkeung my ly ni teng y, ‘Miseaung kahawi ka-ym awm nai, nang i sa nai ly hawi mang; maiden chy naira y ka-ym awm i, nawi parai naira tleaung y kang khai ai mang: nang i yhmkeung i kawn naira y kawn teang,’ napi.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 27:37

“Hini ly Isu, Judachi i samang ne,” nanai tajiu iy, mymy i lu leung y bi bo.

MATTHAI 3:2

“Uikhei u, kani pri my peang nai ly kasa bo,” napi.

MATTHAI 5:19

Hunaibaly ami py hini leu pei nai jang keh naichi theung y harei py taphra iy, hunai kamta sa teang ai nai khumichi ai patiu nai ngierei ai ly kani pri y tahm anem keh nai khumi, nanai amyn pathi ai; na i py ami py patawm iy patiu pateang nai ngierei ai ly kani pri y khumi kalen, nanai amyn pathi ai.

MARKA 10:17

Naibaly mymy ly tako ai nai theu nai thym khala y khumi leaungrei ly mymy mang y angpreng naimy, mymy i mo y ateh chakrym i mymy teng y, “Sara kahawi, deungtasarei hengra kanga thai ai nai mana kasa ai mo?” nanai deng.

MARKA 10:40

ngna i py kai i lamtang mang y mo, langvawi mang y mo ateh ai nai leu ly kai i pei ai nai ny y i, sa pi rym naichi i vui ne,” napi.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

LUKA 11:50

hunaibaly Abela i thi dengdairei maicham hawi meingtym kachai sala y dei nai Zakari i thi khrairei,

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

LUKA 19:38

“Areng i amyn y jeu nai Samrang ly taham hawi; kani pri mang y aly nai leu tym sy, salo kangteng y ly nang parai nai awm sy,” nanai Tameuh ai palo bo.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 12:13

“Tameuh my ni ai amtheaung hai sy, Areng i amyn y jeu nai Israelachi i Samrang ly taham hawi,” nanai aeu.

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

JOHAN 19:15

Naibaly nichi my ly, “Lo la, lo la, kraws tleaung y tahen!” nanai aeu u. Pilata my nichi teng y, “Nangchi i samrang ai ly kraws tleaung y katahen ai a?” napi. Pathyp pi nai keung kalenchi my ly, “Kaisara ny y baly kaichi i samrang takhra by y leang,” nanai pathang.

AMTAW 15:18

Khaileaung palum angchei kha i dengdairei hini satang pany hai reng nai keung Areng my ly ang napi,’ nanai tajiu nai ly.

AMTAW 3:26

Tameuh my mymy i Miseaung ai khai pi i, nangchi bawibawi ai nangchi i kamngo i dengdairei hi vui iy amtheaung hai ai nai, nangmychi teng y ang pato pi manme nai bo he,” napi.

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

I KORINTH 15:50

Amjo amnauchi awi, ngan hawi thi ly Tameuh i pri amtym pajau y leang; veaung thai nai ly veaung thai y nai amtym pajau y leang, nanai kathui nai teu.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

I KORINTH 6:9

Naibaly khumi hawi y naichi ly Tameuh i pri amtym y leang, nanai pany u y nai sai a? Tapawp naira y awm u reng moh; angai naichi mo, myn y chiu naichi mo, pajang sa naichi mo, paleaung naichi mo, neampacho tengtawi paleaung naichi mo,

KALATIA 5:21

pavui naichi, mhm pawi y amo theu naichi, hunichi ka-tawm ly; huni sa reng naichi ly Tameuh i peang naira amtym u y ai, nanai jangni y kang thui pi rym nai kamta vai py kang thui pi rym nai he.

EPHESI 5:5

Na i py angai nai khumi hawi, khumi chai y nai hawi, atakaw nai khumi ly (mymy ly myn y chiu nai keung ne), Krista hawi Tameuh i peang naira y ly amtym ai naira sai py ngo y leang, nanai nangchi pany u khypkhyp.

I THESALONIKA 2:12

nangchi leaung leaungrei ai pachei py kang pachei, awm py kang awm hai nem, leu py hawihai palai kang pany hai, nanai nangchi ly pany u veng bo.

II TIMOTHEI 2:12

Achi ly kham baly, Achi ly mymy hawi vanrei peang ai; Achi ly mymy ai apha baly Mymy py achi ai apha teang ai;

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

HEBRAI 1:14

Nichi bawibawi ai ly kalop sa ai nai phailo, paheng naira amtym ai nai keungchi ai sabawm ai nai pato nai ny y nai sai a?

HEBRAI 11:16

Na i py vai ly nichi ly kani pri mang y awm nai, hawi tleaung hawi ra nai pri dawn nai ne; hunaibaly Tameuh my nichi i Tameuh angam ai nai kaji y leang; mymy ly nichi i vui avang khai pi rym veng bo.

HEBRAI 4:3

Achi ym chum naichi ly huni anawn naira y kun dudu nai ne he; khaileaung palum angchei khala i dengdairei atiti sanaichi ai sa pajau iy py, mymy i thui nai kamta, “Kai i kado theu nai vaineng abeu nai kamta ly, Nichi ly kaimy i anawn naira y kun y ai,” napi.

HEBRAI 9:26

hunai ne mo khyly mymy ly khaileaung palum angchei kha i ka-so tlen majirei mo patang ai nai tla lawh veng; na i py vai dymkhawn i neng tem naira y ly amymy ai apathyp nai deaungkho y kamngo tama hai vui ai nai tlenrei my ni ai amteng hai bo.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

I PETERA 1:9

ati mana nai mo nabaly nangchi i ym naira deaungkho y nangchi i phailo ai paheng naira nga u nai ne.

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.

AMTENG HAI NAI 17:8

Nang i niu nai mawi kasi ly jangni awm khyp i, vai by y leang; naibaly angawm kalawi by y nai theung i dengdairei ang theu kalau ai i, tama naira y chei ai. Naibaly khaileaung pri y awm nai, khaileaung palum angchei khalai dengdairei heng naira cha-iu y amyn tajiu y naichi ly mawi kasi ai niu u nai khala y, jangni awm khyp i, vai by y nai, ang jeu bi ai nai ly rengrang na u ai.

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.

AMTENG HAI NAI 21:7

Pajau nai keung ngierei ly hunichi ai amtym ai; naibaly kai ly ni i Tameuh kalawn ai i, ni py kai i chapo lawn ai.

AMTENG HAI NAI 5:10

naibaly nichi ai ly achi i Tameuh i vui y peang naira hawi pathyp pi nai keungchi y nang palawn bo; naibaly nichi ly khaileaung pri y peang ai,” napi.