MATTHAI 25:1 - Khumi Common Language Bible

¹ Huna nai khala y ly kani pri my peang nai ly anglo kachai leaung horei, aju la nai keung ai lamchung ai nai maisi syn iy chei naichi hawi pata ai nai tla bo.

MATTHAI 25:1 ပူးပေါင်းရင်းမြစ်များ

SAM 45:14

Ni ly mawi-en sadi nai ateaung amthyp iy, samrang teng y hawi u bo. Samrangnu nithun abang nai anglochi ai py, samrang teng y hawi u nai ne.

Solomon i khulym 1:3

Nang i amthym nai rimui ly mui hawi parai; nang i amyn my ly huni rimui ai pany hai teang bo. Mani neampachy py, nang ai khrei y nai awm pajau y leang.

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

Solomon i khulym 5:8

Jerusalem mary i neampachychi awi, kai i khrei nai keung ai nangchi avum u lawh baly, kai ly khrei phi nai paleung akawm naimy awm jo bo, nanai amti pi ai nai leu adeu u ba.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

MATTHAI 13:24

Naibaly mymy ly nichi teng y pata nai leu takhra thui pi bi i, “Kani pri my peang nai ly hlau y ti kahawi hei nai keung hawi pata nai ne:

MATTHAI 13:31

Naibaly mymy ly pata nai leu takhra nichi teng y thui pi bi i, “Kani pri my peang nai ly anmawi ti amairei ami my la iy mymy i hlau y hei nai kamta atawm;

MATTHAI 13:38

ti kahawi ly kani pri i chanauchi ne; choh myn ly kamngo sa reng nai keung i chanauchi ne;

MATTHAI 13:47

“Naibaly kani pri my peang nai ly pangli y tapiu jang iy, amjy cheaungkhang adang achu nai kamta atawm taleang bi.

MATTHAI 20:1

“Kani pri my peang nai ly yhmkeung my chei angthodyh iy tham naichi ai mymy i kreip akho y kalop sa hai nai kamta ne.

MATTHAI 22:2

“Kani pri my peang nai ly ami mo samrang leaungrei ly ni i chapo i vui y aju palyn nai pawi sa nai hawi pata nai ne.

MATTHAI 25:7

Hunaibaly huni anglo kachaichi bawibawi ly angthau u i, maisi kachi u bo.

MATTHAI 3:2

“Uikhei u, kani pri my peang nai ly kasa bo,” napi.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

MATTHAI 9:15

Naibaly Isu ly nichi teng y, “Aju palyn nai keung i ahawichi ly aju palyn nai keung nichi teng y awm jo nai sala ryrei ly paleung mawn thai a? Na i py aju palyn nai keung ai mymychi teng i dengdairei la vui nai kani tym ai i, hunai khala y ly biu hai ai.

JOHAN 18:3

Hunaibaly Juda ly tavaimi kamkawm hawi, pathyp pi nai keung kalenchi hawi Pharisaichi teng i nai miseaung luchi hawi avum i, maisi hawi maiteaung hawi haisauchi py syn iy hu y chei bo.

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

AMTAW 20:8

Naibaly salo i sambeu kaichi i awm achu naira y ly maisi neangneang awm.

I KORINTH 11:2

Naibaly nangchi ly ati cheaungkhangra y kai ai pany u jo nai deaungkho y hawi, leu taviu nai kang thui pi nai kamta khyp pateung u cheng jojo nai deaungkho y py kang palo mang.

II KORINTH 11:2

Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.

AMTENG HAI NAI 19:7

Amo theu iy khri pa-rei kawn u sina, mymy ai ly palo u sina; Beram Cho aju la ai nai neng tym bo i, deaung vawi nai my ly angveirym bo:

AMTENG HAI NAI 21:2

Naibaly avang pui kachai, Jerusalem kangtha ly, deaung vawi nai anglo ly mymy ai palyn nai keung i vui y asa tarengdeng nai angveirym nai kamta, Tameuh teng i dengdairei kathiu nai kaniu.

AMTENG HAI NAI 21:9

Naibaly kangkhym i patang hai naira kawi meng nai khau saryhrei syn nai kani pri i amtaw thau nai saryhrei theung i leaungrei ly ang jeu i kai teng y, “Jeu ly, Beram Cho i deaung vawi nai anglo mymy i aju ai kang khen hai ai mang,” nanai thui.

AMTENG HAI NAI 4:5

Naibaly areng atehra theung i dengdairei amlosadichi hawi, katynchi hawi, kani pajyh naichi py theu, naibaly huni areng atehra mo y maiteaung saryhrei angveaung nai py awm: hunichi ly Tameuh i Phailo saryhreichi ne:

AMTENG HAI NAI 8:10

Naibaly kani pri i amtaw thau nai pa-thom i nai ly eng i, ka-si kalen pui harei, maiteaung kamta angveaung nai ly kani mang i dengdairei ang tla bo; naibaly huni ly tavo phy thomrei y phyrei tleaung y hawi, tuinochi tleaung y py tla bo: