MATTHAI 24:31 - Khumi Common Language Bible

³¹ Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

MATTHAI 24:31 ပူးပေါင်းရင်းမြစ်များ

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 67:7

Tameuh ly achi ai amtheaung naira pei bo; khaileaung pri meingtym tleirei y awm nai khumi bawibawichi ly mymy ai jei kaji naimy tahm khai u sy.

SAM 81:3

Losi kani hawi lo-um kani pawi sa ai nai molam baw eng u.

THEU NAI 19:16

Kani pa-thom khawn ly kani pajyh iy amlosadi py theu hai i, mawi salo y tamai beu hai cheng bo; naibaly baw eng nai katyn pajeng parai nai thai; huna nai khala tai theung i khumi bawibawichi ly jei nai kaso theu u bo.

ISAIA 11:12

Mymy ly amprei phro nai Israela khumichi ai py, ahei phro nai Juda khumichi ai khaileaung taki palyh dengdairei kachu ali teang nai ai py, pany hai ai nai Areng my patei nai tamkhawn theaung ai.

ISAIA 13:5

Nichi ly khaileaung pri katemra y awm nai, pri kamlochira i dengdairei ang jeu u bo. Areng ly kado theu nai deaungkho y, tavai ateaung hawi pri vereichi ai tamyh pawn ai nai ang jeu ai.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 42:10

Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 49:18

Nang i tengpang y ati mana lawh mo, nanai khen prei cham! Nang i chengchi ly akachu u iy, mychi i pri mang y vawi u dudu bo! Kai ly Tameuh kangheng ne nai deaungkho y, nang ly amia lengseaungchi amthyp iy deaung vawi nai anglo kamta, my i chengchi molam y amlyh ai.

ISAIA 60:4

Nang i tengpang y ati mana awm mo, nanai khen cham; Nang i khumichi ly mychi i pri y vawi teang ai nai akachu u bo! Nang i chapochi ly kamlo i nai ang jeu u ai. Nang i chaniuchi ai tapawm naimy ang jeu u ai.

DANIELA 7:2

Ali ly khuteng taki palyhrei mang aho nai deaungkho y, pangli tui saleung y tuisampyh khri pa-rei amsau na.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.

ZEKHARIAH 2:6

Areng my mymy i khumichi teng y, “Kai ly nangchi ai pri tleirei y ahei hai bo. Na i py nangchi pri pala naira avum nai khumichi awi, vai, nangchi ly Babulon pri dengdairei preang iy, Jerusalem mary y vawi u teang.

ZEKHARIAH 6:5

kani pri amtaw thau naimy, “Hunichi ly ali amjy palyhreichi ne; huni alichi ly khaileaung pri verei y peang nai keung Areng mo i dengdairei vai, theu u naichi ne,” nanai pathang.

ZEKHARIAH 9:10

Areng my, “Kai ly Israela pri i tavai keaungngo ka-richi paheng pi vui iy keaungngochi ai Jerusalem mary mang y pahawi ai; Tavai keung y teaung nai thailihochi ai py, kataphra pawn ai. Nangchi i samrang ly pri tleireichi hawi, tavai atiu y ai nai sa chum baly, pangli harei dengdairei, takhra pangli mang py, Euphrat tavo dengdairei, khaileaung pri katem mang y khrairei py peang ai,” napi.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

MATTHAI 13:41

Khumi i Chapo my ly mymy i kani pri i amtaw thau naichi ai pato ai i, mymy i peang naira i dengdairei kamngo sa hai reng nairachi ai hawi, atiti hawi y sa reng nai keungchi bawibawi ai ly patheu ai i, mai pui kangveaung y aphi ai:

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 24:32

“Hunaibaly thaidu keung i awm nai sai pata nai leu amtiu u: changpi pati iy, ngam ampho baly kani pui theu ai bo, nanai nangchi pany;

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MARKA 13:27

Huna nai khala y ly mymy ly kani pri i amtaw thau naichi ai pato ai i, mymy i vawi takhra naichi ai ly khuteng taki palyhrei i dengdairei, khaileaung katem i nai kani katem y khrairei pangym achu ai.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

JOHAN 11:52

Tameuh i chanau khaileaung pri y ahei nai bawibawichi ai ly kamkawm harei y pahawi achu ai nai py ne.

ROM AVANGCHI TENG Y PAWLA I CHA PA NAI 10:18

Na i py kai ly napi, Nichi ly thai u y nai sai a? Thai u chy y; “Nichi i katyn ly meingtym tleirei y amthang iy Nichi i leu ly khuteng taki y tym pa-rei amthang bo,” napi nai ne.

I KORINTH 15:52

ati mana nai mo nabaly baw ly tyn ai, hunai khala y ly kadeichi ai ly veaung thai y naimy pathau nai awm ai i, achi ai py ang takhra hai ai.

EPHESI 1:10

hunaibaly mymy ly mymy y tau nai kamta neng angym khyp nai khala y ly kani mang y atiti awm naichi ai hawi, khaileaung tleaung y atiti awm naichi ai py, ati cheaungkhang ai Krista y pahawi achu ai nai ly mymy i ngai nai kamta ne.

Leu Thui Nai 30:4

Nangchi ly khaileaung pri meingtym tleirei y ahei akyhkyh teu i py, nangchi i Areng Tameuh my pangym achu iy,

Leu Thui Nai 4:32

“Tameuh ly khaileaung salo y khumi ai sa nai neng khala i ka-so, nangchi ai tapen y rai nai neng sala, hini khaileaung pri verei y hinatan pa-rei lyh ai awm naichi tym vai a? Khaileaung pri verei y hau cham rai. Hina nai kamta atiti satangchi ami thai vai mo?

I THESALONIKA 4:16

Areng mymy kypkyp ly aeu nai katyn hawi, kani pri i amtaw thau nai salo keh i raawi hawi, Tameuh i baw katyn hawi kani mang i dengdairei ang satla kathiu ai; naibaly Krista y dei chum naichi ly angthau u man ai;

II THESALONIKA 2:1

Na i py amjo amnauchi awi, achi i Areng Isu Krista ang jeu ai nai hawi, achi ly mymy teng y achu ai nai molam y ly,

HEBRAI 12:19

baw tyn naichi, leu thui nai raawi katynchi teng y tym u y leang bo; huni raawi thai nai keungchi ly nichi teng y leu takhra pipi thui y ai nai takeng u bo.

AMTENG HAI NAI 1:20

kai i lamtang mang i kiu y ka-si saryhrei i awm nai sai aneng nai ly hini ne he:ka-si saryhrei ly palau takhra kamkawm saryhrei i kani pri i amtaw thau naichi ne: naibaly maisi khai naira saryhrei ly palau takhra kamkawm saryhreichi ne.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 7:1

Huni bo y kacheng y hawi, pangli y hawi, dengkeaung ngierei y py ali my hm y ai nai, khaileaung i ali palyhrei paka naimy kani pri i amtaw thau nai leaung palyhreichi ai ly khaileaung taki palyhrei y angdo nai kaniu.

AMTENG HAI NAI 8:2

Naibaly Tameuh i mo y angdo reng nai kani pri i amtaw thau nai leaung saryhreichi ai kaniu:naibaly nichi teng y baw saryhrei au bo.