MATTHAI 24:30 - Khumi Common Language Bible

³⁰ huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

MATTHAI 24:30 ပူးပေါင်းရင်းမြစ်များ

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

ZEKHARIAH 12:11

Huna nai khala Jerusalem mary y vo tangam nai ly Mekido adym y Hadad Rimon mary i vui vo tangam nai kamta, khri pa-rei atawm ai.

MATTHAI 24:3

Naibaly mymy ly Oliv mawi y ateh nai thym khala y abangnaichi ly nichi my tlairei mymy teng y chei u i, “Huni atitichi ly mana khala y tym ai mo? Nang jeu bi ai nai hawi khaileaung pri tem ai nai ka-ma-ra ly ati awm ai mo? Kaichi ai thui pi kyh,” napi.

MATTHAI 24:37

Naibaly Nova heng nai khala i kamta ly khumi i Chapo jeu nai ly awm teang ai.

MATTHAI 24:39

naibaly tuibai theu nai nichi bawibawi ai um be y ryrei ly nichi ly ati sai py pany y; Khumi i Chapo jeu nai kha y ly hunai kamta awm teang ai.

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MARKA 13:26

Huna nai khala y ly Khumi i Chapo ly atiti sa thai naira ka-teng ny y nai hawi, nang parai naira hawi khupanym theung y jeu nai niu u ai.

MARKA 13:4

Huni atitichi tym ai nai neng khala y ly ka-ma-ra ati awm ai mo? Kaichi ai thui pi kyh,” nanai deng.

LUKA 21:27

Huna nai khala y ly Khumi i Chapo ly atiti sa thai naira hawi, khri pa-rei nang parai naira hawi khupanym theung y jeu nai niu u ai.

LUKA 22:69

Na i py vai i dengdairei Khumi i Chapo ly Tameuh i atiti sa thai naira i lamtang mang y ateh ai bo,” napi.

AMTAW 1:11

Nini my ly, “Kalili pri i khumichi awi, ati mana nai angdo naimy kani mang y khen u ryry lawh mo? Hini Isu, nangchi teng i dengdairei kani mang y pahawi kalau nai ly, kani mang y kalau nai nangchi i niu nai kamta mymy ly ang jeu takengkei teang ai,” napi.

II THESALONIKA 1:7

mymy ly mymy i kani pri i amtaw thau nai ham parai naichi hawi mai kangveaung theung y kani pri mang i dengdairei amteng nai khala y ly,

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 12:1

Naibaly kani mang y ly ka-ma-ra atiti rengrang tlai nai amteng bo; neampachy leaungrei kanito amthyp naimy, ni i kheu anui y lo py awm, ni i lu y py ka-si holai nyhrei awm nai areng lukhym amym teang;