MATTHAI 23:37 - Khumi Common Language Bible

³⁷ “Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

MATTHAI 23:37 ပူးပေါင်းရင်းမြစ်များ

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

SAM 17:8

Nangmy i meicho kangvai kamta kai ai kry kyh ba. Khumi hawi y naichi my tiu naira i nai kai ai

SAM 36:7

Aw Tameuh, nang i khaw parai nai tamen naira ly khri pa-rei khrei ai nai hawi! Kaichi ly nang i pakhi ka-khui anui y chymme naimy kaawm u bo.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 63:7

Ati mana nai mo nabaly nang ly kai ai avawrei sabawm nai deaungkho y ne. Kai ly nang i pakhi ka-khui anui y abyh iy, amo theu naimy khulym kathui ai.

SAM 91:4

Mymy ly my i pakhi hawimy, nang ai ang khiu ai; nang ly mymy i kry nai saho y chymme naimy awm ai; mymy i ka-ym awm naimy ly nang ai ama hai naira khupui lawm ai.

ISAIA 5:4

Huni akhobai palum naira y kai ly ati so pi y nai awm mo? Na i py kreip keungchi ly kai i athang khai nai kamta, ati mana nai kreip athai kahawichi jeng y, kreip athai kathochi athai lawh mo?

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 26:23

Nichi ly Uriah ai Aikupta pri i dengdairei samrang Jehojakim teng y pahawi ali teang i, samrang ly ni ai padei iy ni i veu ai ly khumichi i tapreaung y aphi hai su bo.)

JEREMIA 32:31

Hini mary ai palum khyp khala i dengdairei, mary i khumichi ly kai ai khrikhri pa-rei kado patheu u nai ne.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 36:26

Naibaly samrang ly Azariela i chapo Seraiah, Abadela i chapo Shelemiahchi hawi vanrei, my i chapo Jeramela teng y, kai hawi kai i secretary Baru ai patiu ai nai leu pei bo. Na i py Areng ly kaini ai heu vui nai ne.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

JEREMIA 44:4

Kai ly kaimy i miseaung amochi ai, nangchi teng y avaw avawrei kang pato pi nai ne. Amochi my py nangchi ai, kai i niu ngai y nai amso ngai naichi so y ai nai ang thui pi.

JEREMIA 6:8

Jerusalem mary i khumichi awi, nangchi ly huni patang naichira i nai amtiura lo u, ti y baly kai ly nangchi ai kang khai su ai. Nangchi i mary ly khumi angso savai tlang iy khutaha meingtym lawm hai ai,” napi.

HOSEA 11:2

Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

MATTHAI 22:3

Naibaly aju palyn nai pawi biu cha naira y jeu ai nai napi yb naichi ai heang ai nai mymy i miseaungchi ai pato: na i py nichi ly jeu ai nai ngai u y bo.

MATTHAI 22:6

khumi takhrachi my ly mymy i miseaungchi ai patiu iy angji ngailai pa-rei my sa i padei u bo.

MATTHAI 23:30

‘Achi ly isichi deung khala y awm i khyly, amochi i thi patheu naira y abawi y leang,’ na u lawh.

MATTHAI 23:31

Hunaibaly nangchi ly amochi ai padei nai keungchi i chanauchi ne, nanai apany hai nai ne.

MATTHAI 5:12

Kawn u ly, khri pa-rei amo theu u; kani pri mang y nangchi i kawn nai vang ka-teng ny y nai awm; hunai kamta khyp teang nangchi by y rai khala y amochi ai py ana teang ly.

LUKA 15:28

Naibaly mymy ly kado theu i kun ngai y bo; naibaly ampo my ly theu iy ni ai parawi.

I THESALONIKA 2:15

huni Judachi ly Areng Isu ai hawi amochi ai py padei iy, kaichi ai py ang patheu; nichi ly Tameuh i ka-kawn py so y, khumi bawibawichi ai aawi hai ngang lawh;

AMTENG HAI NAI 17:6

Naibaly huni neampachy ly khumi kachaichi i thi hawi, Isu deaungkho y dei naichi i thi y pavui nai kaniu. Naibaly kai ly ni ai niu makho makha baly rengrang tlai napi i, khra pa-rei lyh na.

RUTHI 2:12

Areng ly huna nai molam y nang ai kawn nai vang pei sy; nang i abyh nai Israela chengchi i Areng Tameuh ly nang ai amtheaung naira angym pa-rei pei na sy!” napi.