MATTHAI 23:13 - Khumi Common Language Bible

¹³ “Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

MATTHAI 23:13 ပူးပေါင်းရင်းမြစ်များ

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ZEKHARIAH 11:17

Vang teng y nai beram typ keung ka-khum ly taham si! Ni ly my i beram kanghuchi ai khai su bo. Tavai takai deaungkho y ni i sa thai naira bawibawi ai taphra vui ai. Ni i kiuban ly jeirawm vui iy, lamtang mei py paju ai,” napi.

MATTHAI 23:16

“Nangchi pahawi nai keung mei kamjuchi awi, ‘Ami py achura yhm kalen pui y tauh iy vaineng abeu nai ngierei ly, huni ly ati sai py ny y leang; ami py achura yhm kalen pui i muku y tauh iy vaineng abeu nai naini sa tanga ai nai tla,’ napi nai keungchi awi, nangchi ly taham si!

MATTHAI 23:23

“Nangchi Reita patiu nai keungchi hawi Pharisai tapawp naichi awi, nangchi ly taham si! Seaungsyn hawi chamaw hawi chija py nangchi ly horei y harei pei u i, Reita leu aly len keh nai, hawi naira py, pahen naira py, ka-ym awm naira py so u y pasi lawh: na i py hunichi nangchi sa ai nai tla veng, naibaly tuni py sa ai khai su ai nai tlo y leang.

MATTHAI 23:25

“Reita patiu nai keung hawi Pharisai tapawp naichi awi, nangchi ly taham si! Nangchi ly khau hawi saibi ly salo mang paju u i, theung mang y ly cha parawp nai hawi amkym pajau y nai kawi bo.

MATTHAI 23:27

“Reita patiu nai keungchi hawi Phraisai tapawp naichi awi, nangchi ly taham si! Tapreaung kaleung bau pa-rei paju iy, salo mang y ly apu pa-rei amteng i, theung mang y ly khumi kadeichi i hiu hawi chai y nai cheaungkhang kawi naichi kamta atawm nangchi ly!

MATTHAI 23:29

“Nangchi Reita patiu nai keungchi hawi Phraisai tapawp naichi awi, nangchi ly taham si! Nangchi ly amochi i tapreaung sa u iy, khumi kahawichi i angawm py palum u i,

MATTHAI 3:7

Na i py mymy ly Pharisaichi hawi Saddukaichi neangneang ly baptisma nga ai nai jeu naichi ai niu baly mymychi teng y, “Pavui i kangpreangchi awi! Kado theu naira ang tym ai nai ly preang veng ai nai ami my ang pachei mo?

LUKA 11:52

Nangchi Reita pany nai keungchi awi, nangchi ly taham si! Cheng naira saw ly nangchi my la vui iy, nangmychi py kun y pasi lawh i, kun ai naichi ai py kam veng lawh,” napi.

JOHAN 9:22

Mymy i amhm ampo my ly Judachi ai jei nai deaungkho y huna nai leu thui nai teu: Judachi my ly ti y rai khala y py, ami py mymy ly Krista ne, nanai asa hai nai khumi ai ly achura yhm i dengdairei patheu ai, nanai arum u yb bo.

JOHAN 9:24

Hunaibaly mei kamju ai pa-nyh heang bi i mymy teng y, “Tameuh ai palo, huni khumi ly kamngo ne, nanai kaichi pany,” napi.

JOHAN 9:34

Nichi my ly mymy teng y, “Nang ly kamngo naimy tapen nai na a, kaichi ai patiu lawh a?” nanai pathang i, ni ai ly atho y my patheu bo.

AMTAW 13:8

Na i py Eluma (ni i amyn takhra awm nai sai ly atam kakawp nanai sai ne.) huni khumi ly samrang i jeng y awm nai khumi ai ly ym hai y ai tau i nini ai paka.

AMTAW 5:28

“Hini i amyn y leu den py thui moh kang napi khyp be, naibaly khen cham, nangchi i leu patiu nai ly Jerusalem y kawi hai bebe bo:hini khumi i thi py kaichi i tlang tleaung y tym hai ai nai tau u lawh ly,” nanai preng.

AMTAW 5:40

Naibaly mymy i thui nai ly teng napi bo; hunaibaly nichi ly amtaw thau naichi ai palau iy tabeang i, Isu i amyn y den py leu thui y ai nai leu pei kheng iy patheu bo.

AMTAW 8:1

Naibaly huni kani ly Jerusalem i awm nai palau takhra kamkawmchi ai khri pa-rei ana ai nai amteaung bo; hunaibaly amtaw thau naichi ny y baly nichi ly Judai pri hawi Samari pri meingtym tleirei y ahei bebe bo.

II TIMOTHEI 3:8

Naibaly Janni nini Jambri my Mosi ai paka nai kamta ly, huni khumichi py leu meitang ai paka; nichi i paleung phra i, ym naira mang y ati sai py chawn y leang;

II TIMOTHEI 4:15

nang py mymy teng y ly amkym, ati mana nai mo nabaly ni ly kaichi i leu ai khrikhri pa-rei paka na.