MATTHAI 22:17 - Khumi Common Language Bible

¹⁷ Hunaibaly nang ly mana dawn mo? Kaichi ai thui pi cham. Kaisara teng y akeu pei nai ly pei ngau a pei ngau y a?” napi.

MATTHAI 22:17 ပူးပေါင်းရင်းမြစ်များ

EZARA 4:13

Samrang awi, hini mary hawi apaichi sa palum nai pajau baly, mary i khumichi ly kahm ang pei ai ny y leang bo. Hunaibaly nang i kahm tangka kun nai di vui ai.

EZARA 7:24

Nangchi ly pathyp pi nai keungchi, Levi theaungchi, katyn kapau beu kawp naichi, tamcheaung risachi hawi kalop sa nai khumichi teng i nai py, Achura yhm hawi amtawn nai takhra khumichi teng i nai py, ati akeu py hnei u moh.

NEHEMIA 5:4

Takhra khumichi my, “Kaichi ly li kahm hawi kreip akho kahm pei pajau ai nai, tangka kalai kala u bo.

NEHEMIA 9:37

Kaichi ly kamngo sa tamang nai deaungkho y, hini pri i theu nai amti amjangchi ly kaichi ai nangmy peang hai nai samrangchi my amtym u veng nai ne. Huni samrangchi ly kaichi hawi kaichi i tawnbawichi ai, mymychi ngaingai teaung u. Hunai deaungkho y kaichi ly khri pa-rei patang u nai ne.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

MATTHAI 17:25

Naibaly ni ly yhm y kun iy Isu my ni teng y, “Simon, nang ly mana dawn mo? Khaileaung pri i samrangchi ly akeu hawi takeang kahm ly amichi teng y la mo? Nichi i chanauchi teng y a? khumi takhrachi teng y a? napi nai thui pi kalym vui bo.

MATTHAI 22:18

Na i py Isu ly nichi i kamngo nai sai ly pany iy, “Nangchi tapawp naichi awi, ati mana nai kai ai cham u mo?

LUKA 2:1

Naibaly hunai thym khala y ly hina nai ne. Awkusta Kaisara my khaileaung pri i khumi amyn tajiu ai nai leu pei.

LUKA 20:22

Kaichi ly Kaisara teng y akeu pei nai ly pei ngau a pei ngau y a?” nanai deng.

LUKA 3:1

Naibaly Tiberia Kaisara i peang nai saneng holai pangrei saneng y, (Pontia Pilata ly Judai pri i aripeng py ne, Heroda ly Kalili pri i areng py ne, ni i amnau Philipa ly Iturea hawi Trakoniti pri i areng py ne, Lusania ly Abilini pri i areng py ne,

AMTAW 17:7

Jason my ly anga hai lawh; hinichi bawibawi ly Isu napi nai samrang takhra leaungrei awm, nanai Kaisara i leu pei nai tangai y,” nanai aeu u.

AMTAW 25:8

naibaly Pawla ly eaung nai leu thui i, “Judachi i reita tleaung y py, achura yhm kalen pui leu y py, Kaisara i tlang tleaung y py kai ati sai py hawi y sa nai by y leang,” napi.

AMTAW 28:22

Na i py hini kamkawm ai ly meingtym tleirei my cheh lawh veng, nanai kaichi pany i, nang ly mana dawn mo, nanai kaichi pany ai nai ngai he,” napi.

AMTAW 5:37

Huni bo y ly amyn tajiu nai thym khala y Kalili pri i khumi Juda awm bi, ni ly mymy teng y khumi phyreichi ai abang hai bi; ni py dei bo, ni i leu patawm nai ngiereichi ly ahei bebe veng teang.