MATTHAI 2:20 - Khumi Common Language Bible

²⁰ “Angthau ly, deaungdicho hawi amhm ai py hawi ly, Israela pri y chei jau: deaungdicho ai padei ai tau naichi ly dei bo,” napi.

MATTHAI 2:20 ပူးပေါင်းရင်းမြစ်များ

1 ARENG KEH 11:21

Samrang Davida dei bo i, tavailu areng Juaba py dei bo, nanai Aikupta pri y satang tym nai khala, Hadad ly Aikupta samrang teng y, “Kai ai kaimy i pri y vawi teang ai nai pei ba,” nanai takeng.

1 ARENG KEH 11:40

Naibaly Solomon ly Jeroboam ai padei ai nai atho sa. Na i py Jeroboam ly Aikupta samrang Shishak teng y preang vui i, Solomon dei y ryrei ly Aikupta pri y awm nai ne.

THEU NAI 4:19

Mosi ly Midian pri y awm nai thym khala y Areng my, “Aikupta pri y vawi ali teang jau, nang ai padei ai hau naichi ly dei u be bo,” napi.

MATTHAI 2:13

Naibaly nichi vawi nai bo y khen cham, Areng i kani pri i amtaw thau nai leaungrei ly Josepha teng y amang mang y amteng i, “Angthau ly, deaungdicho hawi amhm ai py hawi ly, Aikupta pri y preang la, kang thui pi ali y ryrei ly hu y awm veangveang; Heroda ly deaungdicho ai padei ai nai hau ai bo,” napi.

MATTHAI 2:19

Na i py Heroda dei nai bo y khen cham, Areng i kani pri i amtaw thau nai leaungrei ly Aikupta pri y Josepha teng y amang mang y amteng i,

MATTHAI 2:21

Hunaibaly mymy ly angthau i deaungdicho hawi amhm ai py hawi iy, Israela pri y kun bo.