MATTHAI 2:12 - Khumi Common Language Bible

¹² Naibaly Heroda teng y ali teang y ai nai Tameuh my nichi i amang mang y thui pi nai deaungkho y, mymychi i pri y lam takhra mang y vawi u bo.

MATTHAI 2:12 ပူးပေါင်းရင်းမြစ်များ

ATITI AWM ANGCHEI NAI 31:24

Huni vum y Tameuh my Labana teng y, “Jakob ai khrukhra naira tym hai moh, amkyn ba,” napi.

THEU NAI 1:17

Na i py Shiphrah hawi Puah ly Tameuh ai jei kaji nai deaungkho y samrang i leu pei nai kamta so hawi vam y i, nini ly neampacho deaungdichi ai padei y bo.

DANIELA 2:19

Tameuh ly huni vum y my Daniela teng y, khri pa-rei rai nai amang thui pachai kawp ai nai pany hai bo. Naibaly Daniela ly kani pri mang y awm nai Tameuh ai, hina nai kamta palo nai ne.

MATTHAI 1:20

Na i py mymy ly huni leu adawn nai thym khala y khen cham, Areng i kani pri i amtaw thau nai leaungrei ly amang mang y ni teng y amteng i, “Davida i kangpreang Josepha awi, nang i aju mari ai pom ai nai jei moh: mymy i deaungdi aniu nai ly Phailo Kachai i aniu hai nai teu na a.

MATTHAI 2:13

Naibaly nichi vawi nai bo y khen cham, Areng i kani pri i amtaw thau nai leaungrei ly Josepha teng y amang mang y amteng i, “Angthau ly, deaungdicho hawi amhm ai py hawi ly, Aikupta pri y preang la, kang thui pi ali y ryrei ly hu y awm veangveang; Heroda ly deaungdicho ai padei ai nai hau ai bo,” napi.

MATTHAI 2:19

Na i py Heroda dei nai bo y khen cham, Areng i kani pri i amtaw thau nai leaungrei ly Aikupta pri y Josepha teng y amang mang y amteng i,

MATTHAI 2:22

Na i py Arkelausa ly ampo Heroda i jeng y Judai pri y peang, nanai thai i, hu y chei ai nai jei bo, naibaly Tameuh my ni i amang mang y thui pi nai deaungkho y Kalili mang y chei vui bo;

MATTHAI 27:19

Naibaly ni ly tara chih nai atehra y ateh nai thym khala y aju my ly, “Tuni khumi hawi parai nai i tlang tleaung y ly ati sai py so hai moh; vaini ly mymy deaungkho y kai ly amang mang y atiti paleung si hyh nai amang bo,” napi nai taviu.

LUKA 2:26

Naibaly mymy ly Areng i Krista ai niu y ryrei ly dei ai ny y, nanai Phailo Kachai my thai hai rym bo.

AMTAW 10:22

Naibaly nichi my ly, “Kornelia, tavaimi chungvaiei lu, khumi kahawi, Tameuh ai tahm khai nai, Juda cheng bawibawi theung i amyn kahawi awm nai, ni teng y kani pri i amtaw thau nai kachai leaungrei ly nang i leu thui nai pany ai nai hawi, mymy i yhm y nangmy ai palau ai nai py thui pi na a,” napi.

AMTAW 4:19

Na i py Petera nini Johan my ly nichi teng y, “Tameuh i mei ka-niu y Tameuh i leu patawm nai tleaung y ly nangchi i leu patawm nai teng keh lawh a? Dawn u cham.

AMTAW 5:29

Na i py Petera hawi amtaw thau naichi my ly, “Kaichi ly khumi i leu tleaung y ly Tameuh i leu tangai keh ai nai tla.

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.

HEBRAI 8:5

nichi ly kani pri mang i atiti ka-tawmchi hawi pa-pui i kalop sa u lawh reng. Ne, Mosi my achura yhm jang ai nai tau thym khala y ly Tameuh my thui pi nai kamta, “Mawi y khen pata ai naira ang patei nai kamta ly cheaungkhang sa ai nai amkym,” napi.