MATTHAI 2:11 - Khumi Common Language Bible

¹¹ Naibaly nichi ly angtheung y kun u iy amhm Mari teng y deaungdicho ai niu, naibaly ambeu iy mymy ai chiu bo: naibaly mymychi i yhmtheaung khai naira paeaung u i, mymy teng y muku, kathan, mura talam iy pei u bo.

MATTHAI 2:11 ပူးပေါင်းရင်းမြစ်များ

ATITI AWM ANGCHEI NAI 43:11

Hunaibaly Ampo my nichi teng y, “Hina nai kamta so u; hini pri i theu nai atiti kahawichi napi nai maicha katli maidenrei, khawi hang maidenrei, mui katuichi, mura katli, tavau athai hawi baden athaichi paiso theung y lum iy, samrang i bangtang kalen i vui langseaung syn pi u.

1 ARENG KEH 10:10

Hunaibaly Sheba samrangnu ly samrang Solomon teng y muku kaji sie 7375 virei, rimui neangneangchi hawi vang kateng lengseaungchi py talam pi nai ne. Solomon i nga reng nai rimuichi tleaung y, Sheba samrangnu i pei nai rimuichi ly nawi keh nai ne.

1 ARENG KEH 10:2

Samrangnu ly mui katui cheaungkhangchi, vang kateng lengseaungchi hawi muku neangneangchi kula-iuchi tleaung y tang iy tym. Ni ly samrang i mo y tym nai khala y, my i adawn yb nai leusaichi deng bo.

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

SAM 45:8

Nang i ateaungchi ly mura, akjaw, sinamon mui katuichi mui amseaung na bo. Katyn kapau beu kawp naichi ly kasai nuh samrang yhmchira y, nang ai ang beu pi nai ne.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

SAM 72:15

Samrang ly heng sau sy! Arabia pri i mukuchi langseaung ngo sy; khumichi ly samrang i vui y avawrei chiu so pi u sy; Tameuh ly samrang ai amtheaung naira pei jojo sy.

SAM 95:6

Jeu u, mymy ai lu meung iy chiu u sina; achi ai sa nai keung Areng i mo y, kheukhu di u sina!

THEU NAI 30:23

“Mura hang sie holai palyhrei, sinamon mui katui sie saryhrei, lawitheng sie saryhrei;

THEU NAI 30:34

Areng my Mosi teng y, “Rimui mui katuichi napi nai state, onykha, kalbanum hawi kathan katli tangchengchi ai kaji kangngeng riri neh ai nai tla.

Solomon i khulym 3:6

Mura hawi kathan ka-pai sa nai keungchi i jo nai mui katuichi patawi nai khala theu nai maikhyhchi kamta, khutaha daichi ka-vym mang y jeu nai ly ati mo?

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

Levi 6:15

Naibaly pathyp pi nai keung ly tako dei kiu angsorei, asitui maidenrei hawi mui kahawichi syn iy, maicham salo y leng patlum ai nai tla. Hini teicha teinei katalamra mui kahawi ai ly Areng my kawn pi nai ne.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MATTHAI 1:18

Naibaly Isu Krista ai tapen nai sai ly hinai kamta ne; Mymy i amhm Mari ai ly Josepha my angam nai bo y, nini ly apom y rai kha y Phailo Kachai my deaungdi aniu hai, nanai pany bo.

MATTHAI 12:46

Naibaly mymy ly khumi mipuichi teng y leu thui nai thym khala y ly khen cham, mymy i amhm hawi amjo amnauchi ly mymy hawi arum ai tau nai angam mang y angdo u bo.

MATTHAI 14:33

Naibaly paleaung y awm naichi ly, “Nang ly Tameuh i Chapo ne khyp nai bo,” nanai mymy ai chiu u bo.

MATTHAI 2:10

Naibaly nichi ly ka-si ai niu i khri pa-rei amo theu u na.

MATTHAI 2:2

“Judachi i samrang tapen nai ly ma mang y mo? Kaichi ly nisi mang y mymy i ka-si niu i, mymy ai chiu ai nai kang jeu nai he,” napi.

LUKA 2:16

Hunaibaly tako u kaliki i, Mari hawi, Josepha hawi, tawnbawi teicha pei naira y deaungdicho aseaung nai py niu.

LUKA 2:38

Hunai thym khala y mymy ly jeu khyp i Tameuh teng y kawn nai leu thui i, Jerusalem atleu ai nai athang khai nai ngiereichi teng y ly ni i satang thui pi.

JOHAN 19:39

Naibaly angchei kha y vum y Isu teng y chei nai Nikodema ly mura hawi, alo katlen nai angchi sie vui pangrei mo syn iy chei teang.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.

1 SAMUELA 10:27

Na i py khumi hawi y naichi my, “Hini khumi ly kaichi ai ati kahawi ang sa pi pajau ai mo?,” napi u. Nichi ly Sawla ai tahm khai u y i, ati langseaung py pei u y.