MATTHAI 19:29 - Khumi Common Language Bible

²⁹ Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 19:29 ပူးပေါင်းရင်းမြစ်များ

Parip nai leu 3:6

Mymy ly hau iy niu ai nai neng hawi tama ai nai neng py, pakym achu ai nai neng hawi aphi su ai nai neng py,

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MATTHAI 13:23

Naibaly khaileaung kahawira y hei nai ly hini ne he: mymy ly kano y thai iy pany thai bo: naibaly athai khyp i pyhrei ly chungvairei, pyhrei ly vui tariurei, pyhrei ly phairei athai na,” napi.

MATTHAI 13:8

Naibaly phyrei ly khaileaung kahawira y tla i, vui theu iy phyrei ly chungvairei, phyrei ly vui tariurei, phyrei ly phairei peung.

MATTHAI 16:25

Ati mana nai mo nabaly ami py amy i hengra aplawi ai nai ngai nai ngierei ly tama ai: ami py kaimy deaungkho y amy i hengra tama nai ngierei ly nga ai.

MATTHAI 19:16

Naibaly khumi leaungrei ly mymy teng y chei iy, “Sara awi, deungtasarei heng naira kanga thai ai nai kahawi atiti kasa ai mo?” napi.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

MATTHAI 5:11

“Amichi my kai i molam y nangchi ai ang jo iy ana nai, ka-chawi cheaungkhangra y ang seu nai khala y ly nangchi taham hawi ai.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

LUKA 14:26

“Ami py kai teng y jeu nai ly mymy i ampo hawi amhm hawi, aju hawi chanauchi hawi, mymy i amjo amnauchi hawi tuichochi hawi, mymy i hengra ai py niu ngai y nai by y baly, kai teng y abang nai khumi lawn thai y leang.

LUKA 5:11

Naibaly nichi ly mymychi i paleaung ly tui peang y ryh i, ati cheaungkhang khai jo iy mymy teng y abang u.

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

JOHAN 15:19

Nangchi ly khaileaung pri i khumichi ne i khyly, khaileaung prichi my mymy i khumichi ai tamen ai bo; nangchi ly khaileaung pri i khumichi ny y i, khaileaung prichi theung i nai kaimy kang vawi nai deaungkho y khaileaung prichi my nangchi ai niu ngai y bo.

JOHAN 4:36

Hei nai keung hawi tyn nai keung py kawn ahawi thai ai nai, tyn nai keung ly vang nga i, deungtasarei hengra tym pa-rei awm ai nai athai pakym.

AMTAW 9:16

kai i amyn deaungkho y mymy ly mana tanrei patang ai mo, nanai kaimy ni ai pany hai ai,” napi.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

PHILIPI 3:8

Ne khyp, kai i Areng, Krista Isu ai pany naira ly atiti bawibawi tleaung y hawi keh nai deaungkho y ati cheaungkhang py chau naira y kapalawn nai ne.

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.

III JOHAN 1:7

ati mana nai mo nabaly, nichi ly Cheng Takhrachi teng i dengdairei ati sai py lo u y naimy, huni Amyn deaungkho y khuleaung chei veng bo.