MATTHAI 19:17 - Khumi Common Language Bible

¹⁷ Naibaly mymy ly ni teng y, “Atiti kahawi leu ly ati mana nai kai ai deng mo? Kahawi napi nai ly leaungrei awm khyh; ati py ne sy nang ly heng naira y kun ai nai ngai baly leu pei naichi patawm,” napi.

MATTHAI 19:17 ပူးပေါင်းရင်းမြစ်များ

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

SAM 119:68

Nang ly khri pa-rei hawi iy pahen na ly! kai ai reita leaungsai patiu pi kyh ba.

SAM 52:1

Sathai naira haiho awm nai khumi awi, ati mana nai amy i hawi y nai amlyh lawh mo? Tameuh i ka-ym awm nai ly deungtasarei ne.

Ezekiela 20:21

“Na i py huni khumi kangpreangchi py kai ai amtang u nai ne. Kai i leu pei nai tangai nai ngireichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Nichi ai daichi ka-vym y dei hai ai nai, kai ly kaimy i kado theu naira nichi i tlang tleaung y tym hai iy, pajeng naira avum hai ai, nanai kadawn bo.

Levi 18:5

Kai i reita hawi leu pei naichi phai patawm u; hunaibaly nangchi ly hengra nga u ai. Kai ly Areng ne,” napi.

ROM AVANGCHI TENG Y PAWLA I CHA PA NAI 10:5

Mosi my ly, “reita i hawi naira patawm nai keung ly huni deaungkho y heng ai,” nanai tajiu bo.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

I JOHAN 4:16

Tameuh my amychi i tlang tleaung y tamen naira awm nai ly achi my pany iy, ym py ym nai ne. Tameuh ly tamen naira ne; tamen naira y awm jojo nai khumi ly Tameuh y awm jojo i, Tameuh py ni y awm jojo teang.

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.