MATTHAI 18:19 - Khumi Common Language Bible

¹⁹ Kang thui pi bi ai, khaileaung pri y nangchi theung y khumi leaung nyhrei myni i atiti hnei naira y myni paleung adyh baly, kani pri mang y awm nai Ngaai my sa pi ai mang.

MATTHAI 18:19 ပူးပေါင်းရင်းမြစ်များ

MATTHAI 21:22

Naibaly nangchi i ati cheaungkhang ym naimy chiu sa nai hnei nai ngierei ly nga ai,” napi nai pathang.

MATTHAI 5:24

huni maicham mo y nang i atiti talam nai ly daw jo ly, naibaly chei iy ngamjo ngamnau hawi aly manme veng ly, huni bo y chei iy nang i atiti pei nai ly talam.

MATTHAI 7:7

“Hnei u, naibaly ang pei ai; hau u, naibaly niu ai; takhei u, naibaly ang paeaung pi ai.

MARKA 11:24

Hunaibaly kang napi, nangchi i chiu sa nai hnei nai ngierei ly nga chum nai kamta ym u, hunaibaly nangchi ly nga ai.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

JOHAN 15:7

Ngngchi ly kaimy teng y awm jo iy kai i leu nangchi teng y awm jo teang baly, nangchi i ngai nai ngierei ly hnei u, nangchi i vui ang sa pi ai.

JOHAN 16:23

Huni kani y nangchi ly kai teng y ati sai py deng y ai. Meitang khypkhyp kang thui pi, nangchi ly Ampo teng y ati py hnei baly kaimy i amyn y ang pei ai mang.

AMTAW 1:14

Hunichi bawibawi ly neampachychi hawi, Isu i amhm Mari hawi, Isu i amjo amnauchi hawi paleung venrei my chiu sa nai patlaw y.

AMTAW 12:5

Hunai deaungkho y Petera ai ly theaung y paeung jo rai; na i py palau takhra kamkawmchi my mymy i vui Tameuh teng y chiu sa pi pathyp.

AMTAW 16:10

Naibaly huni amang kamta atiti niu nai pajau baly kaichi Makedonia pri y chei ai nai tau praw i, mymychi teng y Satang Kahawi thui pi ai nai Tameuh my ang palau, nanai kaichi pany bo.

AMTAW 6:4

naibaly kaichi ly chiu sa nai hawi, leu patiu nai hawi patlaw y ai,” napi.

PHILIPI 1:19

hunira y ly kai kawn, ne, kakawn jojo ai. Huni ly kai ai nangchi my chiu sa pi u nai deaungkho y hawi, Isu Krista my Phailo ang pei rawm nai deaungkho y py, kai i vui heng naira lawn ai, nanai kapany;

I JOHAN 3:22

hunaibaly achi ly mymy i leu pei naichi patawm iy, mymy i mei ka-niu y atiti kawn ai awm naichi sa reng nai deaungkho y, achi i hnei nai ngierei ly mymy teng i dengdairei nga jojo.