MATTHAI 17:18 - Khumi Common Language Bible

¹⁸ Naibaly Isu my ni ai jo i, vawinam ly ni i taku theung i nai theu iy, deaungdi ly huni neng khypkhyp y hawi ryp bo.

MATTHAI 17:18 ပူးပေါင်းရင်းမြစ်များ

MATTHAI 12:22

Naibaly hunai thym khala y ly mei kamju leu katheu thai y nai, vawinam my nam nai leaungrei ai mymy teng y pahawi u i, mymy ly ni ai hawi sa pi: naibaly leu katheu thai y nai khumi ly leu katheu thai i, niu py niu thai bo.

MATTHAI 15:28

Hunaibaly Isu my ni teng y, “Lo awi, nang i ym naira ly khri pa-rei len na ly: nangmy i ngai nai kamta khyp my nang i tlang tleaung y tym sy,” napi nai pathang. Naibaly ni i chaniu ly huni neng khypkhyp kha i dengdairei hawi ryp bo.

MATTHAI 17:17

Naibaly Isu my ly, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm hai ai mo? Mana tanrei kang kham hai thai ai mo? Ni ai ly hi y kai teng y hawi u,” nanai pathang.

MATTHAI 17:19

Huni bo y ly abangnaichi ly Isu teng y chei u takhra iy, “Ati mana nai kaichi ly patheu thai y lawh be?” napi.

MATTHAI 9:22

Naibaly Isu ly hi iy ni ai niu i, “Lo awi! Paleung awmnem naimy awm ba. Nang i ym naira my ang hawihai nai bo,” napi. Naibaly huni neampachy ly huni neng khypkhyp y my hawi ryp bo.

MARKA 1:34

Naibaly mymy ly no nai amjy cheaungkhang no nai khumi neangneangchi ai ly hawi sa iy, vawinam neangneangchi ai py patheu; naibaly vawinamchi ly mymy ai pany nai deaungkho y, mymy ly nichi ai leu katheu ai nai pei y.

MARKA 5:8

Ati mana nai mo nabaly Isu ly ni teng y, “Vawinam awi, hini khumi i taku theung i dengdairei theu jau,” napi veng bo.

LUKA 4:41

Vawinamchi py, “Nang ly Tameuh i Chapo ne,” nanai aeu naimy khumi neangneangchi i taku theung i nai theu u. Naibaly mymy ly Krista ne, nanai nichi ly pany nai deaungkho y, ni my nichi ai jo i katheu ai nai pei y.

LUKA 8:29

(Isu my vawinam ai ly huni khumi i taku theung i dengdairei theu ai nai leu pei veng bo. Huni khumi ai ly vawinam my nam jojo i, amichi my deaungki hawi sengkry py thiu kawm iy typ ryhryh i py, ni ai kawm naira ly leu hai bawi iy, vawinam my ni ai daichi ka-vym y paryh jojo.)

LUKA 9:42

Naibaly ni ly jeu nai thym khala y vawinam my ly ni ai atlym hai khup iy khri pa-rei kyn hai lawh. Na i py Isu ly vawinam ai jo i, deaungdi ai ly hawi sa iy ampo teng y pei ali teang bo.

AMTAW 16:18

Mymy ly hunai kamta kani kra parai nai sa. Hunaibaly Pawla ly paleung hawi y i, hi vui iy vawinam teng y ly, “Isu Krista i amyn y mymy i taku theung i dengdairei theu ai nai leu kang pei,” napi. Naibaly huna nai thym khyp khala y my theu ryp bo.