MATTHAI 17:17 - Khumi Common Language Bible

¹⁷ Naibaly Isu my ly, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm hai ai mo? Mana tanrei kang kham hai thai ai mo? Ni ai ly hi y kai teng y hawi u,” nanai pathang.

MATTHAI 17:17 ပူးပေါင်းရင်းမြစ်များ

SAM 95:10

Kai ly saneng vui palyh khrairei, nichi i tlang tleaung y kado theu hai bo; ‘nichi ly khri pa-rei vaineng takan naichi ne u lawh! Kai i Reita leu pei naichi py tangai ai nai akhi naichi ne u lawh ly!’ nanai kathui bo.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

THEU NAI 16:28

Huna nai khala Areng my Mosi teng y, “Nang i khumichi ly kai i leu tangai y ai nai mana tanrei awm u jo rai na mo?

LEU KACHENG 1:22

“Khumi ka-khumchi awi!, nangchi ly mana tanrei akhum naimy awm ai nai ngai u nai mo? Nangchi ly cheng naira ai mana tanrei mei aniu y nai sa iy, amo theu u ai mo? Nangchi ly mana khala py, ka-dawn pany u vau nai by y na mo?

LEU KACHENG 6:9

Khumi napjang ly ira tleaung y mana tanrei aseaung jo ai mo? Mana khala y ira i nai ang thau ai mo?

ISAIA 19:14

Areng ly nichi ai dawn pany thai y nai katauchi pei hai nai deaungkho y, Aikupta khumichi ly tamang u iy, amy i amleura y atlym nai pavui tapai nai khumi kamta, atlym u khikha na bo.

JEREMIA 4:14

Aw Jerusalem mary, nang ly tlamsa naira nga ai nai nangmy i paleung kamngo apachai ba. Nang ly hawi y nai katauchi dawn veangveang rai a?

Kati Nai 14:11

Areng my Mosi teng y, “Hini khumichi ly mana tanrei kai ai tahm khai y naimy awm u ai mo? Kai ly nichi i mei ka-niu y rengrang tlai naichi sa pi i py, kai ai ym ai nai mana tanrei akhi u jojo ai mo?

Kati Nai 14:27

“Hini khumi aso y naichi ly mana tanrei kai i tlang tleaung y josei u ai mo? Israela chengchi i josei nai katyn ly ka thai amawndui na bo!

MATTHAI 13:58

Naibaly nichi ly ym naira by y nai deaungkho y mymy ly huni meingtym y atiti rengrang neangneang so y leang.

MATTHAI 16:8

Naibaly Isu ly huna nai pany iy, “Aw, ym naira di naichi awi, ati mana nai tako by y nai deaungkho y nangmychi tengtawi arum u mo?

MATTHAI 17:16

Naibaly nang khi y abangnaichi teng y kahawi i, nichi ly hawi so pi thai y pasi lawh,” napi.

MATTHAI 17:18

Naibaly Isu my ni ai jo i, vawinam ly ni i taku theung i nai theu iy, deaungdi ly huni neng khypkhyp y hawi ryp bo.

MATTHAI 6:30

Hunaibaly nangchi ym nai di naichi awi, acha kangheng, vaini angti heng iy khawn mang y ly mai y teih ryp nai ai malawn py Tameuh my huna tanrei pateaung baly, hunichi tleaung y ly nangchi ai ateaung mana tanrei ang pei ai mo?

MATTHAI 8:26

Naibaly mymy ly nichi teng y, “Ym naira di naichi awi, ati mana nai jei u nai kaau mo?” napi. Huni bo y mymy ly angthau i ali hawi ang ai jo: naibaly aham i rym chauchau bo.

MARKA 16:14

Naibaly huni bo y bi baly nichi ly biu o nai thym khala y mymy ly holai hareichi kypkyp teng y amteng bi: naibaly nichi ly ym naira by y nai hawi paleung kyh chawn veng iy niu naichi i leu ym u y nai deaungkho y mymy ly nichi ai preng.

MARKA 9:19

Naibaly mymy ly nichi teng y, “Aw vai deung kangthau ym naira by y naichi awi, kai ly nangchi teng y mana tanrei kang awm hai ai mo? mana tanrei kang kham hai thai ai mo? Ni ai ly kai teng y hawi u,” napi.

LUKA 24:25

Naibaly ni my ly nini teng y, “Khumi cheng y naichi awi! Amochi i leu thui nai bawibawi ym naira y kapawpchi awi!

LUKA 9:41

Naibaly Isu ly pathang i, “Aw, vai deung kangthau ym naira by y nai hawi, kateng so y naichi awi, kai ly nangchi teng y mana tanrei kang awm nai iy kang kham hai thai ai mo? Nang i chapo ai ly hi y hawi ba,” napi.

JOHAN 20:27

Naibaly mymy ly Thoma teng y, “Nang i kiu pajeung thawi ly kai i kiu khen cham; nang i kiu thawi ly kai i pana y tapo; ym y naimy awm moh, ym ba,” napi.

AMTAW 13:18

Naibaly mymy ly saneng vui palyhrei mo daichi ka-vym y ly nichi ai kateaung.

AMTAW 2:40

Naibaly leu takhra takhra neangneang hawihai palai thui pi i, “vai deung kangthau sa ta-li naichi theung i nai apalawi u,” nanai pachei.

II KORINTH 11:1

Kai i pathu kyh naira y ly nangchi my kham pi pajau ai nai kangai y! Ne, kai ai kham py kham pi kyh.

Leu Thui Nai 32:5

Na i py nangchi ly ka-ym by y, mymy i khumi lawm ai nai py ataing y, kamngo kawi nai hawi li-tapawp nai khumi cheng theaungchi ne.