MATTHAI 16:28 - Khumi Common Language Bible

²⁸ Meitang khyp kang thui pi, hi i angdo nai phyreichi ly Khumi i Chapo ly mymy i pri peang ai nai jeu nai niu u y ryrei ly dei naira den py pateng ai ny y,” napi.

MATTHAI 16:28 ပူးပေါင်းရင်းမြစ်များ

MATTHAI 10:23

Hunaibaly avang harei y nangchi ai ana baly meingtym takhra y preang u veng; meitang khyp kang thui pi, Khumi i Chapo tym y rai kha y nangchi ly Israelachi i avang tleirei y amki pajau ai ny y.

MATTHAI 16:13

Naibaly Isu ly Philipi Kaisari ka-peang y tym khala y ly abangnaichi teng y, “Amichi my khumi i Chapo ai ly ami napi mo?” nanai deng.

MATTHAI 24:3

Naibaly mymy ly Oliv mawi y ateh nai thym khala y abangnaichi ly nichi my tlairei mymy teng y chei u i, “Huni atitichi ly mana khala y tym ai mo? Nang jeu bi ai nai hawi khaileaung pri tem ai nai ka-ma-ra ly ati awm ai mo? Kaichi ai thui pi kyh,” napi.

MATTHAI 24:34

Meitang khyp kang thui pi, hunichi bawibawi tym angym y ryrei ly vai deung i kangthauchi ly tamo y ai.

MATTHAI 24:42

Hunaibaly ajeng u rym paryp, nangchi i Areng ly mani kani y jeu ai mo, nanai nangchi pany y.

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

MARKA 13:26

Huna nai khala y ly Khumi i Chapo ly atiti sa thai naira ka-teng ny y nai hawi, nang parai naira hawi khupanym theung y jeu nai niu u ai.

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

MARKA 9:1

Naibaly mymy ly nichi teng y, “Meitang khyp kang thui pi, hi i angdo nai phyreichi ly Tameuh i peang nai ly atiti sa thai naira hawi tym nai niu u y ryrei ly dei naira den py pateng ai ny y,” napi.

LUKA 18:8

Kang thui pi, mymy ly nichi ai vawitheung tha pi praw ai. Na i py Khumi i Chapo jeu ai nai neng khala ly khaileaung pri y ym naira niu ai a?” napi.

LUKA 2:26

Naibaly mymy ly Areng i Krista ai niu y ryrei ly dei ai ny y, nanai Phailo Kachai my thai hai rym bo.

LUKA 9:27

Teng khyp kang thui pi, hi i angdo nai phyreichi ly Tameuh i peang nai niu y ryrei ly deira den py pateng ai ny y,” napi.

JOHAN 21:22

Isu my ni teng y, “Kai kang jeu bi nai khala khrairei mymy awm jo ai nai kai ngai baly nang ly mana sa nai? Nang ly abang phai abang,” napi.

JOHAN 8:51

Meitang khypkhyp kang thui pi, ami py kai i leu tangai baly deungtasa khrairei deira niu ai ny y,” napi.

JOHAN 8:52

Naibaly Judachi my ni teng y, “Nang ai vawinam my nam bo, nanai vai ly kaichi pany bo. Abraham hawi amochi py dei veng bo. Nang ly, ‘Ami py kai i leu tangai baly deungtasa khairei deira pany ai ny y,’ na lawh ly.

AMTAW 1:11

Nini my ly, “Kalili pri i khumichi awi, ati mana nai angdo naimy kani mang y khen u ryry lawh mo? Hini Isu, nangchi teng i dengdairei kani mang y pahawi kalau nai ly, kani mang y kalau nai nangchi i niu nai kamta mymy ly ang jeu takengkei teang ai,” napi.

I KORINTH 15:23

Na i py leaung leaungrei ly amymy i ka-thui ka-thui awm ai, Krista ly angthau man nai keung, huni bo y ang jeu bi nai kha y ly Krista i ngiereichi.

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

II PETERA 1:16

Kaichi ly achi i Areng Isu Krista i atiti sa thai nai sai hawi mymy i ang jeu bi ai nai leuchih patawm nai ny y leang; kaichi ly mymy i nang parai nai sai niu nai keungchi ne chy bo.

I JOHAN 2:28

Hunaibaly bechi awi, mymy ly amteng iy py achi ly mymy i mo y kaji y nai vam parai pa-rei my awm pajau thai ai nai, mymy y awm u jojo.