MATTHAI 16:27 - Khumi Common Language Bible

²⁷ Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 16:27 ပူးပေါင်းရင်းမြစ်များ

JOBA 34:11

Mymy ly khumichi ai mymychi i sa nai kamlau, hawi nai hawi y nai pei iy, nichi nga ai ataing nai ryrei, avum hai reng nai ne.

SAM 62:12

Aw Areng, nang ly nangmy kypkyp naimy, khumi bawibawichi ai mychi i atiti sa naira y hawi nai, hawi y nai vang pei pi nai ne.

LEU KACHENG 24:12

Hini kalop ly kai hawi ati sai py abi y leang, nanai nang thui ai. Na i py Tameuh ly nang i paleung ai pany i ang chih ai. Mymy ly nang ai ang kry nai deaungkho y, nang i paleung ai pany. Hunaibaly mymy ly nang i kabo kaja hawi nai, hawi y nai kamlau ang pei ai.

Parip nai leu 3:17

Kai ly kaimy ai, “Tameuh ly khumi kahawi hawi khumi hawi y naichi ai py vanrei tara chih ai. Ati mana nai mo nabaly cheaungkhang ly mymychi i neng khai pi nai deaungkho y ne, nanai ka-dawn pasym nai ne.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

Ezekiela 18:20

Kamngo sa nai khumi ly dei ai nai khumi ne. Chapo ly ampo i sa nai kamngochi molam y pajeng naira avum ai ny y. Ampo py chapo i sa nai kamngochi molam y pajeng naira avum ai ny y. Khumi kahawi ly kahawi sa nai molam y hawi naira, khumi hawi y nai ly hawi y sa nai molam y hawi y naira avum ai.

Ezekiela 7:27

Samrang ly vo tangam naimy awm ai; samrang i chapo py athang khai naira awm ai ny y; khumi mipuichi ly jei hyn naimy awm u ai. Kai ly nangchi ai nangmychi i sa naichi deaungkho y pajeng ai. Nangchi ly khumi takhra ai tara chih u nai kamta, nangchi ai kaimy tara kangchih ai. Hina nai hawi my kai ly Areng ne, nanai nangchi pany u ai,” napi.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.

MATTHAI 13:41

Khumi i Chapo my ly mymy i kani pri i amtaw thau naichi ai pato ai i, mymy i peang naira i dengdairei kamngo sa hai reng nairachi ai hawi, atiti hawi y sa reng nai keungchi bawibawi ai ly patheu ai i, mai pui kangveaung y aphi ai:

MATTHAI 13:49

khaileaung pri tem ai nai neng khala y ly hunai kamta khyp awm teang ai; kani pri i amtaw thau naichi ly theu ai i, khumi kahawi theung i nai khumi kamngochi ai ly vawi takhra iy,

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.

MARKA 14:62

Naibaly Isu ly, “Ne: naibaly nangchi ly Khumi i Chapo atiti py sa thai nai keung i lamtang mang y ateh nai, kani mang i khupanym theung y jeu nai niu u ai,” napi.

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

LUKA 21:27

Huna nai khala y ly Khumi i Chapo ly atiti sa thai naira hawi, khri pa-rei nang parai naira hawi khupanym theung y jeu nai niu u ai.

LUKA 22:69

Na i py vai i dengdairei Khumi i Chapo ly Tameuh i atiti sa thai naira i lamtang mang y ateh ai bo,” napi.

LUKA 9:26

Ami py kaimy ai hawi kai i leu ai py kaji hai nai ngierei ly, Khumi i chapo ly mymy i nang parai naira hawi, Ampo i nang parai naira hawi, kani pri amtaw thau nai kachaichi i nang parai naira py apu naimy ang jeu nai neng khala y ly, huni khumi ai ly ang kaji hai teang ai.

JOHAN 21:22

Isu my ni teng y, “Kai kang jeu bi nai khala khrairei mymy awm jo ai nai kai ngai baly nang ly mana sa nai? Nang ly abang phai abang,” napi.

JOHAN 21:23

Hunaibaly huni abangnai ly dei y ai nai leu ly amjo amnauchi theung y amthang hai; na i py Isu ly, “Dei y ai,” nanai ni teng y thui y: “Kai kang jeu bi nai khala khrairei mymy awm jo ai nai kai ngai baly, nang ly mana sa nai?” napi nai khyh.

AMTAW 1:11

Nini my ly, “Kalili pri i khumichi awi, ati mana nai angdo naimy kani mang y khen u ryry lawh mo? Hini Isu, nangchi teng i dengdairei kani mang y pahawi kalau nai ly, kani mang y kalau nai nangchi i niu nai kamta mymy ly ang jeu takengkei teang ai,” napi.

ROM AVANGCHI TENG Y PAWLA I CHA PA NAI 14:12

Hunaibaly achi bawibawi ly Tameuh teng y amymy i satang thui pi bawibawi ai nai tla.

ROM AVANGCHI TENG Y PAWLA I CHA PA NAI 2:6

Mymy ly khumi leaung leaungrei ai mymy i atiti sa nai kamta chih pi ai;

I KORINTH 15:23

Na i py leaung leaungrei ly amymy i ka-thui ka-thui awm ai, Krista ly angthau man nai keung, huni bo y ang jeu bi nai kha y ly Krista i ngiereichi.

I KORINTH 3:13

Ati mana nai mo nabaly mai y amny ai nai deaungkho y huni kani my ly amteng hai ai; naibaly mai kypkyp my ly khumi leaung leaungrei i kalop sa nai ly mana atawm mo, nanai cham ai.

I KORINTH 8:8

Nai py cha ai nai ly Tameuh ai mei ang ngai hai y lawh nai ny y leang, cho y iy py achi hawi y lawh ai nai ny y leang, cha iy py achi hawi y lawh ai nai ny y leang.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

EPHESI 6:8

hunaibaly miseaung ne iy py miseaung ny y iy py, khumi leaung leaungrei mymy i atiti kahawi sa nai ngierei ly Areng teng i dengdairei nga teang ai, nanai pany u pajau.

KOLOSA 3:25

Ati mana nai mo nabaly atiti teng y nai sa nai keung ly mymy i atiti teng y nai sa nai vang ly nga teang ai; khumi ai patle takhra naira ha py awm lawh y leang.

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

I THESALONIKA 4:16

Areng mymy kypkyp ly aeu nai katyn hawi, kani pri i amtaw thau nai salo keh i raawi hawi, Tameuh i baw katyn hawi kani mang i dengdairei ang satla kathiu ai; naibaly Krista y dei chum naichi ly angthau u man ai;

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;

I JOHAN 2:28

Hunaibaly bechi awi, mymy ly amteng iy py achi ly mymy i mo y kaji y nai vam parai pa-rei my awm pajau thai ai nai, mymy y awm u jojo.

JUDA 1:14

Naibaly Adam i dengdairei kangthau saryhrei nai Enoka ly hunichi teng y py leu thui yb i, “Khen cham, khumi bawibawichi ai tara chih ai nai hawi,

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.