MATTHAI 15:31 - Khumi Common Language Bible

³¹ Hunaibaly khumi mipuichi ly leu katheu thai y naichi leu katheu lawh nai, khumi kaphrachi hawi lawh nai, kheu kambaichi tako lawh nai, mei kamjuchi mei angvang lawh naichi ai niu u iy, khri pa-rei lyh nai Israelachi i Tameuh ai palo u bo.

MATTHAI 15:31 ပူးပေါင်းရင်းမြစ်များ

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

ATITI AWM ANGCHEI NAI 33:20

Ni ly hu y maicham sa i El, nanai amyn pathi. Huni ly Israelachi i Tameuh, nanai sai ne.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

THEU NAI 24:10

Nichi ly Israela chengchi i Tameuh ai niu u bo. Mymy i kheu keung y kani khusang kamta pangau nai saphire lengseaung padai nai atawm.

MATTHAI 15:30

Naibaly khumi mipui ka-teng ny y nai mymy teng y chei u i, kheu kambaichi khumi kaphrachi, mei kamjuchi, leu katheu thai y naichi ai hawi, kalang neangneangchi ai py mymy teng y chei hai u iy, mymy i kheu keung y khai i, mymy ly nichi ai hawi sa bo.

MATTHAI 18:8

Naibaly nang i kiu my mo, nang i kheu my mo nang ai atlym hai baly tameang ly, aphi la: kiu kheu angym naimy deungtasarei mai y aphi nai tleaung y kiu angym y nai mo, kheu tabai nai mo heng naira y kun ai nai nang i vui hawi keh alam.

MATTHAI 21:14

Naibaly achura yhm kalen pui y ly mei kamjuchi hawi kheu kangbaichi ly mymy teng y chei u i, mymy ly nichi ai hawi sa pi bo.

MATTHAI 8:10

Naibaly Isu ly huni leu thai nai khri pa-rei lyh i abangnaichi teng y ly, “Meitang khyp kang thui pi, Israelachi theung y py hina tanrei ym naira ly kai avum vai y.

MATTHAI 9:32

Naibaly nini theu hawi nai thym khyp khala y khen cham, vawinam my nam nai leu katheu thai y nai leaungrei ai mymy teng y hawi.

MATTHAI 9:33

Naibaly vawinam patheu nai bo y leu katheu thai y nai ly katheu thai bo: naibaly khumi mipuichi ly khri pa-rei lyh na i, “Israelachi theung y hini kamta tlen py niu vai y rai,” napi.

MATTHAI 9:8

Naibaly khumi mipuichi ly huna nai niu i jei u, naibaly khumichi teng y hunai kamta sa thai naira pei nai keung Tameuh ai palo u bo.

MARKA 2:12

Hunaibaly ni ly angthau i, ira la praw iy nichi bawibawi i mei ka-niu y theu; hunaibaly nichi bawibawi ly khri pa-rei lyh na i, “Achi ly hinai kamta tlen py niu vai y,” napi nai Tameuh ai palo u.

MARKA 7:37

kano kapang ai py kano thai hai, leu katheu thai y nai ai py leu katheu hai bo,” napi nai khri pa-rei lyh u na.

MARKA 9:43

Naibaly nang i kiu my nang ai atlym hai baly tameang vui; kiu angym naimy ngari angawm, mai dei pajau y naira y tla nai tleaung y ly, kiu angym y naimy heng naira y kun ai nai nang i vui hawi keh alam.

LUKA 14:13

Na i py nang ly pawi sa nai khala y ly khumi kamawnchi hawi, khumi kaphrachi hawi, kheu kambaichi hawi, mei kamjuchi ai phai heang u.

LUKA 14:21

“Naibaly miseaung my ly ni i yhmkeung teng y huni satang thui pi. Hunaibaly yhmkeung ly kado theu i miseaung teng y, ‘Theu ly, lam y py, taki tavai y py chei kaliki ly, kamawmchi, khumi kaphrachi, mei kamjuchi, kheu kambaichi ai hi y pahawi,’ napi.

LUKA 18:43

Naibaly tlenrei khyh my niu praw i, Tameuh ai palo prei naimy mymy teng y abang ryp; naibaly khumi bawibawichi ly huna nai niu i Tameuh ai palo.

LUKA 7:16

Naibaly khumi bawibawichi jei u i, Tameuh ai palo iy, “Achi theung y amo len parai nai awm bo,” napi; naibaly, “Tameuh my mymy i khumichi ai de nai bo,” nanai py thui bi.

JOHAN 9:24

Hunaibaly mei kamju ai pa-nyh heang bi i mymy teng y, “Tameuh ai palo, huni khumi ly kamngo ne, nanai kaichi pany,” napi.