MATTHAI 15:27 - Khumi Common Language Bible

²⁷ Naibaly ni my ly, “Ne, Areng, na i py uichi py yhmkeung i sabawi tleaung i dengdairei tako dei beu naichi ly cha reng chy bo,” napi.

MATTHAI 15:27 ပူးပေါင်းရင်းမြစ်များ

ATITI AWM ANGCHEI NAI 32:10

Nang i miseaung kai teng y nang my patei pi nai pahen naira hawi ka-ym awm naira py, kai hawi ataing y nai ne. Jordan tavo angpeang nai khala y, kai teng y cheaungvawi harei awm khyh. Vai kai ly hini phy nyhreichi hawi kavawi ali teang nai bo.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

DANIELA 9:18

Aw Tameuh, kaichi i hnei takeng nai tangai pi kyh ba. Kaichi ai khen ly nang i amyn hawi sa nai huni mary i patang nai ai, pany pi kyh ba. Kaichi ly kaimychi i hawi nai, kateng sa nai molam y ny y naimy, nang i pahen naira len parai nai saho y chiu kang sa.

MATTHAI 15:26

Naibaly mymy ly, “Chanauchi i tako la pi iy, uichi teng y aphi lawh nai ly avo y leang,” napi nai pathang.

MATTHAI 15:28

Hunaibaly Isu my ni teng y, “Lo awi, nang i ym naira ly khri pa-rei len na ly: nangmy i ngai nai kamta khyp my nang i tlang tleaung y tym sy,” napi nai pathang. Naibaly ni i chaniu ly huni neng khypkhyp kha i dengdairei hawi ryp bo.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

MATTHAI 8:8

Naibaly tavaimi chungvairei lu my ly, “Aw Areng! Nang puipui chyly kai i yhm y kun ai nai ataing y leang y! Leu sairei phai thui khyh, kai i miseaung ly hawi ryp ai mang.

MARKA 7:28

Na i py ni my ly mymy teng y, “Ne, Areng, ne mang ly sabawi anui y uichi py chanauchi i tako dei ly cha reng chy bo,” napi nai pathang.

LUKA 16:21

khumi kanang i sabawi tleaung i cha kamthom beu nai ly cha ai nai ngai; naibaly uichi my pa-rei mymy i angvawi palei pi.

LUKA 18:13

Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.

ROM AVANGCHI TENG Y PAWLA I CHA PA NAI 10:12

Juda hawi Krik hawi ly atira y py takhra lawh y leang, leaungrei ly nichi bawibawichi i tlang tleaung y Areng ne; naibaly mymy ai palau nai ngiereichi i tlang tleaung y mymy i neaung hawi nai sai ka-teng ny y.

ROM AVANGCHI TENG Y PAWLA I CHA PA NAI 3:19

Hunaibaly labeaung cheaungkhang ai amkym hai me thai ai nai hawi, Tameuh my khaileaung pri bawibawi tara chih thai ai nai py, Reita my ati py thui nai ngierei ly Reita i anui y awm naichi teng y thui nai ne, na nai achi pany;

ROM AVANGCHI TENG Y PAWLA I CHA PA NAI 3:29

Tameuh ly Judachi i Tameuh harei khyh a? Mymy ly Cheng Takhrachi i Tameuh py ny y a?

ROM AVANGCHI TENG Y PAWLA I CHA PA NAI 3:4

Ny y leang; Tameuh ly meitang khyp ne sy ly, khumi bawibawi ly ka-chawi ne lawh sy; “Nang ly nang i leu thui naira y eaung thai iy, Nang ly tara chih naira y awm iy py, nang ly pajau thai ai nai,” nanai tajiu nai kamta.

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,