MATTHAI 15:14 - Khumi Common Language Bible

¹⁴ Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,

MATTHAI 15:14 ပူးပေါင်းရင်းမြစ်များ

ISAIA 31:3

Aikupta chengchi ly vawinam arengchi ny y. Khumi mangrichi teu na a. Nichi i keaungngochi py vawinam keaungngochi ny y. Areng my bawi la nai khala y, atho len nai cheng ly dei lawm vui ai. Kasabawmra nga nai khumi chengchi py anawi vui ai. Huni khumi cheng amjy nyhrei py myh kang vui ai.

ISAIA 42:19

Kai i miseaung tleaung y mei paju nai khumi, kai i pato nai savai tleaung y kano pang nai khumi leaung leaungrei awm a?

ISAIA 56:10

Mymy ly “Kai i khumichi teng y pany hai yb ai avo nai khumichi napi nai, lu sa nai keungchi ly mei paju u pawn bo! Nichi ly ati sai py pany u y. Nang si y nai yhm typ uichi hawi atawm. Nichi ly i ham ala nai khumichi ne u lawh ly!

ISAIA 9:16

Hini khumichi ai lam patei nai khumichi ly lam kateng patei y i, paleung khrukhra hai reng.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 6:15

Nichi ly amso ngai naichi sa teu i py, kaji u sai a? Lymlym kaji u y, kangji meimai py amteng y. Hunai deaungkho y nichi ly khumi takhrachi kamta atlym u ai. Kaimy pajeng nai khala y nichi ly tama nai tym u ai. Hini ly kai Areng. my thui nai leu ne,” napi.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

HOSEA 4:17

Israela khumichi ly myn chiu naira y paleung apei keh. Mychi i tako nai lamra y tako u teu na sy.

MALAKHI 2:8

“Na i py vai ly nangchi pathyp pi nai keungchi ly lam kateng i nai amphri u vui bo. Nangchi i patiu pi nai molam y khumi neangneangchi py, teng y naichi sa u bo. Nangchi ly kai hawi asa nai Leu Maikawm ai taphra u nai ne.

LUKA 6:39

Naibaly mymy ly nichi teng y pata nai leu thui pi: ‘Mei kamju my mei kamju ai pahawi thai a? Nini leaung nyhrei ly angawm y tlo hawi mei y ai a?

JOHAN 9:39

Isu my ly, “Mei kamjuchi mei angvang thai ai nai hawi mei kangvangchi ly mei paju thai ai nai py kai ly hini khaileaung pri y tara chih ai nai kang jeu nai ne,” napi.

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.

II PETERA 2:17

Hunichi ly tui by y nai tuikan hawi, tamai ai ali khu my hm naichi ne; hunichi i vui ly kaveng tho kha nai pateung nai bo.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.