MATTHAI 12:46 - Khumi Common Language Bible

⁴⁶ Naibaly mymy ly khumi mipuichi teng y leu thui nai thym khala y ly khen cham, mymy i amhm hawi amjo amnauchi ly mymy hawi arum ai tau nai angam mang y angdo u bo.

MATTHAI 12:46 ပူးပေါင်းရင်းမြစ်များ

MATTHAI 1:18

Naibaly Isu Krista ai tapen nai sai ly hinai kamta ne; Mymy i amhm Mari ai ly Josepha my angam nai bo y, nini ly apom y rai kha y Phailo Kachai my deaungdi aniu hai, nanai pany bo.

MATTHAI 12:47

Naibaly khumi leaungrei ly mymy teng y, “Khen cham, ngamhm hawi ngamjo ngamnauchi ly nang hawi arum ai tau nai angam mang y angdo u jo na a,” napi.

MATTHAI 13:55

Hini ly lasama i chapo ny y lawh a? Mymy i amhm ly Mari napi nai ny y lawh a? Mymy i amjo amnauchi py Jakob, Josepha, Simon, Juda napi naichi ny y lawh a?

MATTHAI 2:11

Naibaly nichi ly angtheung y kun u iy amhm Mari teng y deaungdicho ai niu, naibaly ambeu iy mymy ai chiu bo: naibaly mymychi i yhmtheaung khai naira paeaung u i, mymy teng y muku, kathan, mura talam iy pei u bo.

MATTHAI 2:20

“Angthau ly, deaungdicho hawi amhm ai py hawi ly, Israela pri y chei jau: deaungdicho ai padei ai tau naichi ly dei bo,” napi.

MARKA 2:21

Ami py kani kangtha jean y rai nai hawi kani kangngym y bau vai y; bau typ ai nai ly asei ra lawh ai i, kangtha my ly kangngym ai ly asei hai ai i, asei tleaung y asei ra ai.

MARKA 6:3

Hini khumi ly Mari i chapo, Jakob hawi Josepha hawi, Juda hawi, Simon hawi, nichi i amjo amnau lasama ny y lawh a? Mymy i tuichochi py achi teng y awm nai ny y lawh a?” napi nai khri pa-rei lyh na. Hunaibaly nichi ly mymy i tlang tleaung y paleung hawi y bo.

LUKA 1:43

Kai i Areng i amhm kai teng y jeu nai ly ati mana nai mo?

LUKA 2:33

Naibaly amhm ampo my ly deaungdicho i satang thui nai ly lyh parai.

LUKA 2:34

Naibaly Simeon my nichi ai amtheaung hai i amhm Mari teng y, “Khen cham, hini deaungdi ly khumi neangneangchi i paleung y dawn nairachi ai amteng hai thai ai nai, Israelachi theung i khumi neangneangchi ai atlym hai ai nai hawi, aei nai ka-ma-ra lawn ai nai py khai nai ne:

LUKA 2:48

Naibaly mymy i amhm ampo my ly mymy ai niu baly rengrang tlai ly, napi; hunaibaly amhm my mymy teng y, “Deang awi, ati mana nai y kaini ai hina nai sa lawh mo? Khen cham, ngampo kaini my paleung si hyh naimy kang hau na a,” napi.

LUKA 2:51

Hunaibaly mymy ly nini hawi chei kathiu i, Nazaret avang y tym iy, nini i leu tangai jojo. Naibaly amhm my ly huni atiti bawibawi ly mymy i paleung theung y pateung me jo.

LUKA 8:10

Naibaly mymy ly nichi teng y, “Tameuh i peang naira i leu kathiuchi ly nangchi pany ai nai pei bo; na i py khumi takhrachi teng y naini nichi ly niu iy py niu thai y ai nai hawi, kano y thai iy py dawn naira pany thai y ai nai, pata nai leu harei thui khyh.

JOHAN 19:25

Naibaly Isu i kraws ahawi y ni i amhm hawi, amhmto Klopa i aju Mari hawi, Mari Makdilini hawi angdo nai ne.

JOHAN 2:1

Naibaly kani thomrei kani y Kalili pri i Kana avang y apom nai pawi awm i, Isu i amhm ly hu y awm:

JOHAN 2:12

Huni bo y mymy ly ni i amhm hawi, amnauchi hawi, abangnaichi hawi Kapernaum avang y chei kathiu i, hu y ly kani kra tle y leang.

JOHAN 2:5

Naibaly amhm my ly miseaungchi teng y, “Nangchi teng y mymy i thui nai ngierei ly so u bawibawi,” napi.

JOHAN 7:10

Na i py mymy i amjo amnauchi ly pawi y chei kalau nai bo y ly, ni py ami pany y naimy kangviu kamta chei kalau teang.

JOHAN 7:3

Hunaibaly ni i amjo amnauchi my ni teng y, “Nang teng y abangnaichi ly nang i atiti sa naichi niu thai ai nai hi i dengdairei theu ly, Judai pri y chei ba.

JOHAN 7:5

Mymy i amjo amnauchi raurei py ni ai ym y.

AMTAW 1:14

Hunichi bawibawi ly neampachychi hawi, Isu i amhm Mari hawi, Isu i amjo amnauchi hawi paleung venrei my chiu sa nai patlaw y.

I KORINTH 9:5

Kaichi ly amtaw thau nai takhrachi hawi, Areng i amjo amnauchi hawi, Kipha i sa nai kamta py ym nai aju ai hawi ai nai aly peang y a?

KALATIA 1:19

Na i py amtaw thau nai takhrachi ai naini Areng i amjo amnau Jakob ai leaungrei ny y baly ami ai py kaniu y.