MATTHAI 12:45 - Khumi Common Language Bible

⁴⁵ Hunaibaly chei iy mymy tleaung y kamngo keh nai vawinam takhra saryhrei hawi i, hu y kun iy awm u jo ryp; naibaly huni khumi i kangkhym i awm nai sai ly angchei i tleaung y hawi y keh bo. Hunai kamta ly vai deung i kangthau kamngo parai naichi i tlang tleaung y tym ai,” nanai pathang.

MATTHAI 12:45 ပူးပေါင်းရင်းမြစ်များ

Levi 13:20

Pathyp pi nai keung my no ang vawi khen pi nai khala, ang vawi ly aneng iy muichi kaleung nai niu lawh baly, huni khumi ai chai y napi ai nai tla. Huni ang vawi ly uisalura man nai ka-jei awm nai nganpeih no ang vawi ne.

MATTHAI 12:24

Na i py Pharisaichi ly huna nai thai iy, “Hini khumi ly vawinam areng Beelzibula ny y baly vawinamchi ai patheu nai ny y leang,” napi.

MATTHAI 12:44

Naibaly mymy ly, ‘Kai i theu nai yhm y ka-li teang khere ai,’ napi; naibaly tym kha y ka-keu pasi pan iy hawihai palum nai niu lawh.

MATTHAI 17:21

[Ne mang ly hini amjy ly chiu sa naira hawi biu hai naira ny y baly patheu thai y leang,”] napi.

MATTHAI 23:15

Reita patiu nai keungchi hawi Pharisai tapawp naichi awi, nangchi ly taham si! Khumi leaungrei ai nangchi i reita y pakun ai nai nangchi ly pangli mang py kacheng mang py amki, naibaly mymy ly kun bo nabaly mymy ai nangchi tleaung y ty keh nai ngari angawm i chanau sa hai lawh.

MATTHAI 23:24

Pahawi nai keung mei kamjuchi awi, nangchi ly changrang ly aeang i kula-iu ly pajawn.

MARKA 16:9

Naibaly mymy ly kani saryhrei angchei i kani khawn mang y angthau bi iy, Mari Makdilini, ni i taku theung i dengdairei vawinam saryhrei patheu nai teng y amteng manme.

MARKA 5:9

Naibaly mymy ly ni teng y, “Nang i amyn ami mo?” nanai deng. Naibaly ni my ly mymy teng y, “Kai i amyn ly Neang Neang ne, kaichi ly nawi parai nai deaungkho y,” napi.

LUKA 11:26

Hunaibaly chei iy mymy tleaung y kamngo keh nai vawinam takhra saryhrei hawi i, hu y kun iy awm u jo ryp; naibaly huni khumi i kangkhym i awm nai sai ly angchei i tleaung y hawi y keh bo,” napi.

EPHESI 6:12

Ati mana nai mo nabaly achi i ani nai ly thi hawi ngan hawi ny y leang, na i py areng naira hawi, aly peang naira hawi, hini veng nai tleaung y khaileaung pri peang nai keungchi hawi, kani laileaung y awm nai vawinamchi hawi ani nai teu.

HEBRAI 10:39

Na i py achi ly tama naira tym pa-rei ni thun mang y anaw nai kamkawm ny y leang; hengra lawi hai ai nai ym naira awm nai kamkawm ne lawh veng.