MATTHAI 12:39 - Khumi Common Language Bible

³⁹ Naibaly mymy ly nichi teng y, “kamngo parai nai hawi pajang sa ryry nai deung kangthauchi ly ka-ma-ra hau u lawh, na i py amo Jona harei ny y baly nichi teng y ka-ma-ra pipi patei ai ny y.

MATTHAI 12:39 ပူးပေါင်းရင်းမြစ်များ

2 ARENG KEH 14:25

Ni ly tosyh mang y nabaly Hamath mawi aleaung lam, tokalawi mang y nabaly pangli kadei khrairei, vaichi khala i Israela pri khu ka-peang bawibawichi ai peang ali teang bo. Hini ly Israela chengchi i Areng Tameuh my, mymy i miseaung Kath Hepha mary y awm nai Amittai i chapo amo Jona dengdairei, leu pei nai kamta ne.

ISAIA 57:3

Nangchi khumi hawi y nai, kamngo sa naichi awi! Tara chih naira avum ai nai hini meingtym y jeu u. Nangchi ly ami i aju chanauchi hawi tamang naichi, bimachi, uimiu khawn naichi hawi vanrei ne.

JONA 1:1

Kanirei nai khala y Amittai i chapo Jona teng y Areng my leu pei nai ne.

MATTHAI 16:4

Kamngo parai nai hawi pajang sa ryry nai deung kangthauchi ly ka-ma-ra hau u lawh, na i py Jona harei ny y baly nichi teng y ka-ma-ra pipi patei ai ny y,” napi nai pathang. Naibaly mymy ly nichi teng i nai chei vui iy leh bo.

MARKA 8:12

Naibaly mymy ly khri pa-rei taho sun i, “Ati mana nai vai deung i kangthauchi ly ka-ma-ra hau lawh mo? Meitang khyp kang thui pi, vai deung i kangthauchi teng y ly ka-ma-ra pipi patei ai ny y”, napi.

MARKA 8:38

Ami py vai deung kangthau pajang sa nai hawi kamngo sa reng naichi theung y kaimy ai hawi kai i leu ai py kaji hai nai ngierei ly, Khumi i Chapo ly kani pri i amtaw thau naichi hawi mymy i Ampo i nang parai naira apu naimy ang jeu nai neng khala y ly, huni khumi ai ly ang kaji hai teang ai”, napi.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.