MATTHAI 12:35 - Khumi Common Language Bible

³⁵ Khumi kahawi ly mymy i paleung i yhmtheaung kahawi i dengdairei atiti kahawi patheu reng; khumi kamngo ly mymy i paleung i yhmtheaung hawi y nai i dengdairei atiti hawi y nai patheu reng.

MATTHAI 12:35 ပူးပေါင်းရင်းမြစ်များ

JOBA 8:10

Na i py nang ly jangni i khumichi my, thui parip nai saichi adawn ba. Nichi i thui nai leuchi vai, tangai ba.

LEU KACHENG 12:6

Khumi hawi y naichi i leu ly khumi takhrachi ai rai naira avum hai reng; na i py khumi kahawichi i leu ly ka-jeira avum naichi ai lawi hai reng.

LEU KACHENG 15:23

Neng-tu kahawi amlau nai leu katheu kawp baly, khri pa-rei amo theu ai nai hawi parai na a!

LEU KACHENG 15:28

Khumi kahawi ly leu pathang y rai khala, dawn pasym reng; khumi hawi y naichi ly pathang praw ryp; na i py patang naira tym hai reng nai ne.

LEU KACHENG 15:4

Pahen nai leu ly hengra palum pi; na i py apahyp y nai leu ly paleung ka-dawn phra hai reng nai ne.

MATTHAI 12:34

Pavui i kangpreangchi awi! Nangchi ly kamngo awm iy leu kahawi mana thui u thai ai mo? Paleung y kawi palai nai ly labeaung y thui reng.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

MATTHAI 7:17

Hunai kamta khyp teang, keung hawi nai tleirei ly athai py hawi; keung hawi y nai ly athai py hawi y.

LUKA 6:45

Khumi kahawi ly ni i paleung i yhmtheaung kahawi i dengdairei atiti kahawi patheu reng, khumi kamngo ly ni i paleung yhmtheaung hawi y naira i dengdairei atiti hawi y nai patheu reng: ni i paleung y kawi palai nai ly labeaung y thui reng.

EPHESI 4:29

Leu hawi y nai ly nangchi i labeaung y den py theu moh sy, tangai nai keungchi ai pahenra nga hai thai ai nai, aeang nai kamta khaw hai ai nai leu kahawi ngierei phai thui sy.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

KOLOSA 4:6

Nangchi ly khumi leaung leaungrei ai mana pathang bawibawi ai nai tla mo, nanai pany u thai ai nai, nangchi i leu thui nai ly palawi thiu nai, pahenra abawi nai ne jojo sy.