MATTHAI 12:31 - Khumi Common Language Bible

³¹ Hunai deaungkho y kang thui pi, khumichi i kamngo hawi Tameuh ai thui tamawn nai cheaungkhangra y pahen pi ai, na i py Phailo y khrairei thui tamawn nai ly pahen pi y ai.

MATTHAI 12:31 ပူးပေါင်းရင်းမြစ်များ

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Levi 24:16

huni khumi ai padei ai nai tla, nanai Israela chengchi teng y thui pi ai nai tla. Israela cheng mo, Israela pri y awm nai cheng takhra mo, Areng ai pasawi lawh baly, Israela cheng vereichi my huni khumi ai lengseaung hawi aphi ka ai nai tla.

LUKA 12:10

Naibaly Khumi i Chapo ai cheh nai ngierei ai ly pahen pi ai: na i py Phailo Kachai y khrairei thui tamawn nai khumi ai ly pahen pi y ai.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

HEBRAI 10:26

Achi ly leu meitang pany naira kangym nga nai bo y ly atiti kamngo sa ta-li baly, kamngo nairachi i vui y apathyp naira ly pipi by y leang bo i,

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

HEBRAI 6:4

Naibaly tlenrei paleung angvang hai nai, kani pri mang i atiti pei nai pateng nai, Phailo Kachai nga hai nai,

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.

I JOHAN 5:16

Ami py amy i amjo amnau ai ly dei ai nai pa-rei ny y nai kamngo sa nai niu i khyly, hnei pi ai nai tla, hunaibaly dei ai nai pa-rei ny y nai kamngo sa nai keung i vui ly hengra ang nga hai ai. Dei ai nai pa-rei kamngo nai awm; huni molam y ly hnei pi ai nai tla kana nai ny y leang.