MATTHAI 12:26 - Khumi Common Language Bible

²⁶ Naibaly Setan ly Setan ai patheu ryp baly amy tengtawi atiu ryp nai tla veng; hunaibaly mymy i peang naira ly mana awm thai ai mo?

MATTHAI 12:26 ပူးပေါင်းရင်းမြစ်များ

MATTHAI 13:19

Ami py kani pri i leu ly thai iy dawn nai pany y pui baly, kamngo sa reng nai keung ly jeu iy, mymy i paleung y hei nai angchih ly lawm pi ry veng, huni ly lam teng y hei nai ne.

MATTHAI 4:10

Hunaibaly Isu my mymy teng y, “Setan, tako la! ‘Nang i Areng Tameuh ai phai chiu ly, mymy i kalop harei phai so khyh,’ nanai tajiu nai awm,” napi.

MATTHAI 9:34

Na i py Pharisaichi my ly, “Vawinam areng i saho y na a mymy ly vawinamchi ai patheu nai ly,” napi.

JOHAN 12:31

Vai hini khaileaung pri ai chih thym rai; vai hini khaileaung pri i areng ai ly patheu vui ai.

JOHAN 14:30

Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

JOHAN 16:11

khaileaung pri i areng ai ly pasum veng nai deaungkho y tara chih naira y pasum ai.

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

I JOHAN 5:19

Naibaly achi ly Tameuh i ne, nanai hawi khaileaung pri bomrei ly kamngo sa reng nai keung i ngaingai awm, nanai py achi pany.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 16:10

Naibaly pa-ngo i nai ly mymy i khau i nai mawi kasi i areng atehra y lei bo; hunaibaly ni i peang naira ly veng be bo: nichi ly no nai deaungkho y mychi i palai py akei u bo;

AMTENG HAI NAI 9:11

Nichi tleaung y samrang lawn nai ly ngari angawm kalawi by y nai i amtaw thau nai ne: Hebrai leu y mymy i amyn ly Abadonna ne i, Krik leu y ly mymy i amyn ly Apoluona ne.