MATTHAI 12:25 - Khumi Common Language Bible

²⁵ Naibaly Isu ly nichi i dawn naichi ly pany i nichi teng y, “Mani pri y py amy tengtawi atiu nai ngierei ly tama ai; naibaly mani avang y py dengtheung py amy tengtawi atiu nai ngierei ly awm thai ai ny y.

MATTHAI 12:25 ပူးပေါင်းရင်းမြစ်များ

1 ARENG KEH 16:21

Israela mipuichi ly paleung aleng u akyhkyh nai ne. Phyreichi ly Kinath i chapo Tibni ai samrang palyn ai nai ngai; phyreichi ly Omari ai palyn ai nai ngai.

SAM 139:2

Nang ly kai i sa nai ngiereichi pany; kai i dawn pasym nai ngiereichi ai kamlo mang my pany nai ne.

ISAIA 9:21

Manase cheng theaungchi hawi Ephraim cheng theaungchi ly mychi tengtawi atiu u chum baly, nini leaung nyhrei amkawm hawi iy Juda cheng theaungchi ai tiu hawi nai ne. Hunai deaungkho y py Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

AMOS 4:13

Mawichi ai sa iy ali aho hai nai keung ly Tameuh ne. Mymy ly my i dawn naichi ai khumichi teng y pany hai bo; mymy ly kanithun ai vum mang y angpeang hai bo. Mymy ly kani khaileaung i asang keh nai mang aleaung nai ne. Mymy i nang parai nai amyn ly ati cheaungkhang sa thai nai Areng Tameuh ne.

MATTHAI 9:4

Naibaly Isu ly nichi i dawn nai ly pany i, “Nangchi ly ati mana nai nangchi i paleung y kamngo nai dawn u lawh?

MARKA 2:8

Naibaly Isu ly nichi paleung y hunai kamta dawn u pasym, nanai mymy i paleung y pany praw i nichi teng y, “Hunichi ly ati mana nai nangchi i paleung y dawn u pasym lawh mo?

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

I KORINTH 2:11

Khumichi theung y khumi i satang ly khumi i phailo, mymy theung y awm naimy pany y baly ami pany ai mo? Hunai kamta khyp teang Tameuh i satang ly Tameuh i Phailo my ny y baly ami py pany y leang.

KALATIA 5:15

Na i py nangchi ly akei u iy acha u leungtang makho baly, atamo hai u leungtang y ai nai amkym u.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.