MATTHAI 12:20 - Khumi Common Language Bible

²⁰ Mymy ly eaung ai nai tara chih nai ly tym hai y ryrei ly, Kadi du nai satleung taphra y ai, Teicha angveaung paijei nai py padei y ai,

MATTHAI 12:20 ပူးပေါင်းရင်းမြစ်များ

2 ARENG KEH 18:21

Nang ly Aikupta pri i kasabawmra ajeng nai ne. Na i py huni pri ai ym nai ly japang uipo keung ai cheaungvawi palawn nai hawi atawm. Huni japang uipo keung ly tleu iy, nang i kiu y ang viu ai. Aikupta samrang ly mymy ai ym naichi i vui y japang uipo hawi atawm,’ nanai leu pei bo,” napi.

SAM 147:3

Mymy ly paleung phra naichi ai paleung awm hai nem iy, nichi i tamokalemchi ai bam pi typ nai ne.

SAM 51:17

Aw Tameuh, kai i talam nai kapathypra ly tahm anem parai nai paleung ne; nang ly tahm apanem iy uikheih nai paleung ai khai su ai ny y leang.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

Levi 10:20

Mosi ly Aron i pathang nai leu thai baly paleung tuinem nai ne.

MATTHAI 11:28

Nangchi akawm naichi hawi myn kaji pho nai bawibawichi awi, kai teng y jeu u, kaimy anawn hai namang.

MATTHAI 11:7

Naibaly nini ly vawi bo nabaly Isu ly khumi mipuichi teng y Johan i satang thui pi amteaung i, “Nangchi ly daichi ka-vym y ati khen ai nai chei u nai kha? Ali my hm nai ahyn nai satleung ai a?

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 2:7

hunaibaly pajeng ai nai tleaung y ly mymy ai pahen u iy, awm hai nem ai nai tla, ti y baly ati mo sa iy hunai kamta khumi ai ly paleung mawn ala naira my pajawn be lawh na.

AMTENG HAI NAI 6:2

Naibaly kai ly khen i, khen cham keaungngo kangleung harei awm i, huni tleaung y atang nai keung ly thai syn bo; naibaly areng lukhym mymy teng y pei bo; mymy ly pajau nai thym khala y pajau ra ai nai theu bo.