MATTHAI 12:18 - Khumi Common Language Bible

¹⁸ “Khen cham, kai i miseaung kavawi nai, Kai i ngai parai nai, kai i paleung ly mymy i tlang tleaung y khrikhri pa-rei kawn parai; mymy i tlang tleaung y kai i Phailo kadaw pi ai, Hunaibaly mymy ly Cheng Takhrachi teng y tara chih nai leu thui pi ai.

MATTHAI 12:18 ပူးပေါင်းရင်းမြစ်များ

SAM 89:19

Jangni khala y nang ly ka-ym awm nai miseaungchi teng y amteng hai nai ly “Amyn amthang nai sorai risachi ai kaimy sabawm bo; kaimy khumi theung i nai leaungrei ai vawi takhra iy, samrang atehra kapei pi bo.

ISAIA 11:2

Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 52:13

Areng my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 62:2

Aw Jerusalem mary, khumi cheng cheaungkhangchi ly nang i eaung naira niu u ai! Samrang bawibawichi py, nang i nang parai nai niu u ai. Nang ly Areng mymy kypkyp my pei nai amyn kangtha loh ai.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

MATTHAI 12:17

Amo Isaia i thui nai kamta,

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MARKA 1:11

Naibaly kani pri mang i dengdairei raawi ly, “Nang ly kai i Chapo ngai parai nai ne, kai ly nang i tlang tleaung y khrikhri pa-rei kang kawn parai,” napi.

MARKA 9:7

Naibaly mymychi ai khupanym my khiu meuh iy, khupanym theung i dengdairei raawi theu i, “Hini ly kai i Chapo ngai parai nai ne, mymy i leu tangai u,” napi.

LUKA 23:35

Naibaly khumi mipuichi ly angdo iy angdeang. Naibaly miteaung kehchi my py, “Ni ly khumi takhrachi ai malawn py palawi chy bo; Tameuh i vawi nai Krista ne khyp baly amy ai py apalawi sy bei,” nanai panui hai.

LUKA 3:22

naibaly kani pri mang i dengdairei raawi ly, “Nang ly kai i Chapo ngai parai nai ne; kai ly nang i tlang tleaung y khrikhri pa-rei kakawn parai,” napi.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

LUKA 9:35

Naibaly khupanym theung i nai raawi theu i, “Hini ly kai i Chapo, kai i vawi nai ne; mymy i leu tangai u,” napi.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 14:27

Naibaly nini ly tym nai bo y palau takhra kamkawmchi ai palau achu i, Tameuh my nini ai teaung iy atiti sa naichi bawibawi hawi, Cheng Takhrachi i vui y ym naira katheu paeaung pi nai saichi py thui pi.

EPHESI 1:6

Huni pahenra ly Ngai Parai Nai y jawm my ang pei;

KOLOSA 1:1

Pawla, Tameuh i kangai y Krista Isu i amtaw thau nai hawi,

KOLOSA 1:13

Mymy ly achi ai kaveng aly peang naira i nai ang law hai i, mymy i Chapo tamen parai nai i peang naira y achi ai ang khai vui bo;

I PETERA 2:4

Mymy ly lengseaung kangheng, khumichi i ngai y nai khypkhyp ne i py, Tameuh i dawn naira y vawi takhra nai hawi vang teng parai nai ne:

II PETERA 1:17

Naibaly khri pa-rei nang parai naira i dengdairei mymy teng y raawi tym i, “Hini ly kai i Chapo ngai parai nai ne: kai ly mymy i tlang tleaung y khri khti pa-rei kakawn parai,” nanai thym khala y ly, ni ly Ampo Tameuh teng i dengdairei tahm pasang naira hawi nang parai naira nga bo.