MATTHAI 11:18 - Khumi Common Language Bible

¹⁸ Johan ly ang jeu iy nei py nei y, cho py cho y i, ‘Vawinam my nam nai na a hi ly!’ napi u lawh.

MATTHAI 11:18 ပူးပေါင်းရင်းမြစ်များ

2 ARENG KEH 9:11

Jehu ly my i ahawi tavailu arengchi teng y tym ali teang nai khala y, nichi my, “Ati cheaungkhang hawi a? Huni kamthu ly nang teng y ati aly jeu nai mo?,” nanai deng u. Jehu my, “Ni i aly ly nangchi pany,” napi.

JEREMIA 15:17

Kai ly khumi takhrachi hawi panui iy, amo theu saw ala naira y neng pasum y ai. Nangmy pei nai kalop molam y, kai ly kaimy tlairei awm nai y, kado theu naira my kawi bo.

JEREMIA 29:26

“Areng ly nang ai Jehojada i jeng pathyp pi nai keung y khai i, nang ly Achura yhm kry nai keung kalen lawn bo. Amo amlawn nai khumi kamthu ngiereichi ai kaneaung y tamo sengkry patli iy thang ai nai ly nang i kalop ne.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

MATTHAI 10:25

Amtiu nai keung ly mymy ai patiu nai keung kamta lawn ai nai hawi, miseaung ly mymy i yhmkeung kamta lawn ai nai py hawi khyp bo. Yhmkeung ai malawn py Beelzibula napi baly, mymy i dengtheungchi ai ipsaly mana tanrei napi ai mo!

MATTHAI 11:17

‘Byhlyh kang eng pi iy nangchi ly lam y; kaichi ly vo iy nangchi ly paleung y atum y,’ napi naichi kamta atawm.

MATTHAI 3:4

Naibaly huni Johan ly kula-iu mui akhiu i, akeng y ly mawipeih khobai py akawm; mymy i cha nai ly akhu tama hawi khawi hang ne.

MATTHAI 9:34

Na i py Pharisaichi my ly, “Vawinam areng i saho y na a mymy ly vawinamchi ai patheu nai ly,” napi.

MARKA 3:22

Naibaly Jerusalem i dengdairei kathiu nai Reita patiu nai keungchi my ly, “Ni teng y Beelzibula awm na a hi ly,” napi nai hawi, “Vawinam areng nai deaungkho y na a vawinamchi ai patheu reng nai ly,” napi teang bi.

LUKA 1:15

Ati mana nai mo nabaly ni ly Areng khi y ly khumi kalen ne ai i, kreip athai hang hawi mhm ly den py nei y ai:amhm taku theung i ka-so Phailo Kachai my kawi ai.

JOHAN 10:20

Nawi kyh naichi my ly, “Vawinam my nam nai pathu na a hi ly; ati mana nai ni i leu tangai mo?” napi.

JOHAN 7:20

Naibaly khumi mipuichi my ly, “Nang ai vawinam my nam nai teu:nang ai ami my padei ai nai hau mo?” nanai pathang.

JOHAN 8:48

Judachi my ly, “Nang ly Samari khumi ne; nang ai vawinam my nam bo, nanai kaichi i thui nai ly teng khyp lo-oh?” nanai pathang.

JOHAN 8:52

Naibaly Judachi my ni teng y, “Nang ai vawinam my nam bo, nanai vai ly kaichi pany bo. Abraham hawi amochi py dei veng bo. Nang ly, ‘Ami py kai i leu tangai baly deungtasa khairei deira pany ai ny y,’ na lawh ly.

AMTAW 26:24

Naibaly mymy ly hunai kamta eaung nai leu thui nai thym khala y Festa ly athorei my, “Pawla, nang ly pathu bo; nang i amtiu nai nawi ala naimy ang pathu hai nai bo tu ly,” napi.

I KORINTH 9:27

na i py kai ly kai i tlang y ka-tapheu ryry nai miseaung y kapalawn veng, ti y baly khumi takhrachi teng y leu kathui nai bo y kaimy kypkyp ai pasum lawh na.