MATTHAI 11:17 - Khumi Common Language Bible

¹⁷ ‘Byhlyh kang eng pi iy nangchi ly lam y; kaichi ly vo iy nangchi ly paleung y atum y,’ napi naichi kamta atawm.

MATTHAI 11:17 ပူးပေါင်းရင်းမြစ်များ

ATITI AWM ANGCHEI NAI 50:10

Nichi ly Jordan tavo nisi mang Atad napi nai choh ati nai meingtym y tym u nai khala y, paleung si nai vo hang u bo; huni meingtym Josepha my Jakob i vui kani saryhrei paleung si vo tangam nai pawi sa pi nai ne.

1 ARENG KEH 1:40

Naibaly amo theu parai naimy aeu u iy, byhlyhchi eng u i, khaileaung amchyh na pa-rei katyn pasau naimy, Solomon nithun abang u bo.

ISAIA 30:29

Na i py Tameuh i khumichi awi, nangchi ly vum y sa nai reita pawi kamta, amo theu naimy khulym thui u ai. Nangchi ly Israela chengchi i abyh nai keung Areng i Achura yhm mang y chei nai lam y, byhlyh katyn hawi kamlym tako u nai khumichi kamta amo theu u ai.

JEREMIA 31:4

Kai ly nangchi ai kang palum ali teang ai. Nangchi ly katyn kapauchi beu iy, amo theu naimy lam u ai.

MATTHAI 11:16

“Na i py vai deung i kangthauchi ai ly ati hawi kapata ai mo? Deaungdichi ly seng meingtym y ateh iy ahawichi ai aeu pi i,

MATTHAI 11:18

Johan ly ang jeu iy nei py nei y, cho py cho y i, ‘Vawinam my nam nai na a hi ly!’ napi u lawh.

MATTHAI 9:15

Naibaly Isu ly nichi teng y, “Aju palyn nai keung i ahawichi ly aju palyn nai keung nichi teng y awm jo nai sala ryrei ly paleung mawn thai a? Na i py aju palyn nai keung ai mymychi teng i dengdairei la vui nai kani tym ai i, hunai khala y ly biu hai ai.

MATTHAI 9:23

Naibaly Isu ly miteaung keh i yhm y kun i, byhlyh eng naichi hawi khumi mipuichi i tukulula nai niu iy,

LUKA 15:25

“Naibaly chapo miteaung keh nai ly hlau y awm; naibaly ni ly yhm y tym ai nai khala ly lam nai hawi, atiti beu nai katyn py thai bo.

LUKA 23:27

Naibaly khumi mipui ka-teng ny y nai hawi, neampachychi paleung y atum iy vo ryry naichi hawi ni teng y abang.

LUKA 7:32

Deaungdichi ly seng meingtym y ateh iy, ‘Byhlyh kang eng pi iy nangchi ly lam y; kaichi ly hang iy nangchi ly vo y,’ nanai aeu leungtang naichi atawm.

LUKA 8:52

Naibaly khumichi bawibawi ly vo ryry nai paleung y atum ryry; hunaibaly ni my ly, “Vo u moh, mymy ly dei y leang, i ngym nai teu,” napi.