MATTHAI 10:36 - Khumi Common Language Bible

³⁶ Ami i paleung ka-echi ly mymy i dengtheungchi theung i khumi kypkyp my ne ai.

MATTHAI 10:36 ပူးပေါင်းရင်းမြစ်များ

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

2 SAMUELA 16:11

Naibaly Davida ly Abisai hawi samrang i bangtangchi teng y, “Kai i chapo kypkyp my malawn py kai ai padei ai nai sa nai deaungkho y, hini benjamin khumi i sa nai ly lyh u lawh a? Mymy ngai ngai so sy, pasawi teu sy; Areng my leu pei nai deaungkho y, ni ly hina nai sa nai ne.

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

SAM 55:13

Na i py huna nai sa nai khumi ly kai i ahawi kamrawi, kalop sa ahawi nai amrawi keh nai ahawi ne lawh ly!

ISAIA 19:2

Areng my, “Aikupta pri theung y tavai atiu hai ai nai kachyh iy, amjo amnau tengtawi, yhm deaungpa tengtawi ka-jo pakei ai. Mary haihochi tengtawi py, samrang haihochi tengtawi py, mychi tengtawi atiu iy kamjau kamteang akhai u ai.

JEREMIA 12:6

Nang i yhm dengtheungchi hawi, nang i amjo amnauchi my malawn py, nang i tlang tleaung y ka-ym by y lawh bo. Nichi ly nangchi i makeng mang y abawi iy, nang ai hang hai bo. Nichi ly nang ai leu katheu hai teu i py, nichi ai nang ly ym moh,’ napi.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

MIKHA 7:6

Huni neng khala y chapochi my, mychi i ampochi ai tahm khai y ai. Chaniuchi my amhmchi ai ka-awi sa ai. Lengngochi my amni ai ka-jo hau ai. Yhm dengtheungchi i paleung ka-echi ly amychi yhm dengtheung theung i theu ai.

MATTHAI 10:21

Naibaly padei hai ai nai amjo amnau tengtawi apatiu hai i, ampo py chanau ai patiu hai teang ai; chanauchi py mychi i amhm ampo ai tiu ai i, padei hai teang ai.

JOHAN 13:8

Petera my ni teng y, “Nang ly kai i kheu paju ai nai den py ngo y ai,” napi. Isu my ni teng y, Kaimy kang paju y baly nang kai teng y ati sai py amkawm ai nai ny y leang,” napi.

1 SAMUELA 17:28

Davida i amjo kalen Eliaba ly Davida hawi khumichi i arum nai thai nai khala y kado theu i, “Nang ly ati aly hi y jeu nai mo? Daichi ka-vym theung y nang i beramchi ai ly ami my kry mo? Nang i paleung len nai, nang i paleung akhum nai ly kai pany; nang ly tavai ka-tiu khen ai nai jeu nai ngaw khyh!,” napi.