MATTHAI 10:15 - Khumi Common Language Bible

¹⁵ Meitang khyp kang thui pi, tara chih nai kani y ly huni avangchi tleaung y ly Sodom hawi Komora pri i patang ai nai hawi kyh alam ai.

MATTHAI 10:15 ပူးပေါင်းရင်းမြစ်များ

MATTHAI 12:36

Naibaly kang thui pi, ami py leu avo y nai thui rumrang nai ngierei ly huni satang ly tara chih nai kani y thui pi ai nai tla.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

MATTHAI 7:22

Huni kani y ly khumi neangneangchi my, ‘Areng, Areng, kaichi ly nang i amyn y leu thui iy, nang i amyn y vawinamchi ai patheu, nang i amyn y atiti rengrangchi py neangneang so y a? napi ai.

MARKA 6:11

Naibaly mani avang y py nichi my nangchi ai kawn y iy, nangchi i leu py tangai y nai ngierei y ly, hu i dengdairei theu u nai khala y ly, mymychi ai pany hai ai nai nangchi i kheu padawi i spryh ly katheng u,” napi.

JOHAN 12:48

Ami py kai ai ngai y iy kai i leu thui naichi py tangai y baly, ni ai pasum nai keung leaungrei awm; kai i leu thui nai ly huni leu kypkyp my kani kangkhym y ly mymy ai pasum ryp ai.

JOHAN 6:39

Hini ly kai ai pato nai keung i kangai ne:ni i ang pei nai bawibawi theung i nai ati sai py tamo y ai i, kani kangkhym y ly kaimy pathau lawh ai.

JOHAN 6:40

Ngaai i kangai ly hini ne he: Ami py Chapo ai niu iy ym nai ngierei ly. deungtasarei hengra nga ai i, ni ai kani kangkhym y ly kaimy pathau ai,” napi.

AMTAW 17:31

mymy ly mymy i khumi khai rym nai ai ly khaileaung pri y hawihai palai tarahih hai ai nai kani thui yb nai deaungkho y; huna nai Tameuh my mymy ai ly kadeichi theung i dengdairei pathau iy, khumi bawibawichi teng y thai hai khyp bo,” napi.

I KORINTH 3:13

Ati mana nai mo nabaly mai y amny ai nai deaungkho y huni kani my ly amteng hai ai; naibaly mai kypkyp my ly khumi leaung leaungrei i kalop sa nai ly mana atawm mo, nanai cham ai.

I THESALONIKA 5:4

Na i py amjo amnauchi awi, huni kani ly kangviu kamta nangchi ai ang kai ai nai kaveng y awm u y leang bo;

HEBRAI 10:25

achi ly phyreichi i sa nai kamta achi i achu nai ly anawn vui y naimy apachei ahawi sina; kani ly kasa ryh kasa ryh, nanai dawn pany iy, hunai kamta khri pa-rei atho so u.

II PETERA 2:6

naibaly Sodom hawi Komora avang ai ly mymy ai tahm khai y naichi i vui y pany hai naira palawn i maiphu lawn hai iy tama hai naira y pasum baly:

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;

II PETERA 3:7

na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.

I JOHAN 4:17

Achi ly tara chih nai kani y vam parai pa-rei awm thai ai nai achi i tlang tleaung y tamen naira ly angym bo; ati mana nai mo nabaly mymy i awm nai kamta achi ly hini khaileaung pri y awm teang bo.

JUDA 1:6

Naibaly kani pri i amtaw thau naichi, mychi i awm angchi nai sai kamta awm jo y naimy, mymychi i awm reng nai meingtym khai su naichi ai ly huni kani aly len parai nai i tara chih naira i vui y kaveng anui y deungrasarei kawm naimy ang khai nai bo.

JUDA 1:7

Sodom hawi Komora hawi, huni ahawi tengtang avang py hunai kamta khyp angai naira y bom verei apei nai, tlang takhra y hui teang nai deaungkho y deungtasarei mai pajeng naira nga jojo naimy amtiu ai naira kamta lawn u bo.