MARKA 9:35 - Khumi Common Language Bible

³⁵ Naibaly mymy ly ateh iy holai nyhreichi ai palau i nichi teng y, “Ami py kangman keh awm ai ngai nai ngierei ly bawibawichi tleaung y kangkhym keh y awm ai nai tla i, bawibawichi ai sabawm nai keung y awm ai nai tla.

MARKA 9:35 ပူးပေါင်းရင်းမြစ်များ

LEU KACHENG 13:10

Paleung len reng nai khumi ly patang hai naira ny y baly ati sai py pei vai y; tau kahawi hnei reng nai khumi ly cheng naira awmra nai ne.

JEREMIA 45:5

Nang ly nang i nga ai avo nai ajeng nai a? Ajeng moh. Kai ly khumi cheaungkhangchi i tlang tleaung y ka-jeira tym hai ai. Na i py nang ly tym naira tleirei y dei y naimy, ka-jeira i nai lawi naira nga ai. Hini ly kai Areng i thui nai leu ne,” nanai leu pei nai thui pi bo.

MATTHAI 23:11

Nangchi theung y len keh nai ly nangchi ai sabawm nai keung y awm lawh ai nai tla.

MARKA 9:36

Naibaly mymy ly deaungdichy leaungrei ai pahawi iy nichi theung y angdo hai: naibaly ni ai takawi i nichi teng y,

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

LUKA 22:26

Na i py nangchi ly hunai kamta ny y leang; nangchi theung y len kyh nai khumi ly deaungdi kyh nai kamta awm sy: areng keh nai khumi ly kalop amsi nai keung kamta awm lawh sy.

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.