MARKA 8:35 - Khumi Common Language Bible

³⁵ Ati mana nai mo nabaly ami py amy i hengra apalawi ai nai ngai nai ngierei ly tama ai: ami py kaimy hawi Satang Kahawi deaungkho y amy i hengra tama nai ngierei ly apalawi ai.

MARKA 8:35 ပူးပေါင်းရင်းမြစ်များ

Parip nai leu 3:6

Mymy ly hau iy niu ai nai neng hawi tama ai nai neng py, pakym achu ai nai neng hawi aphi su ai nai neng py,

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

MATTHAI 10:39

Ami my amy ka-tleaung hengra hau nai khumi ly tama ai, kai i vui y amy i hengra tama nai khumi ly hengra nga ai.

MATTHAI 16:25

Ati mana nai mo nabaly ami py amy i hengra aplawi ai nai ngai nai ngierei ly tama ai: ami py kaimy deaungkho y amy i hengra tama nai ngierei ly nga ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MARKA 8:36

Ami py hini khaileaung pri bomrei nga iy amy i hengra tamo lawh sy, mymy i vui ati amran ai mo?

LUKA 17:33

Ami py amy i hengra palawi ai naira hau nai ngierei ly tama ai; ami py amy i hengra tama nai ngierei ly apalawi ai.

LUKA 9:24

Ami py amy i hengra apalawi ai nai ngai nai ngierei ly tama ai; ami py kaimy deaungkho y amy i hengra tama nai ngierei ly, huni khumi kypkyp ly apalawi ai.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

AMTAW 9:16

kai i amyn deaungkho y mymy ly mana tanrei patang ai mo, nanai kaimy ni ai pany hai ai,” napi.

I KORINTH 9:23

Satang Kahawi phy kanga hawi teang thai ai nai huni Satang deaungkho y ati cheaungkhang kasa.

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

II TIMOTHEI 1:8

Hunaibaly achi i Areng i leu ang pany hai nai hawi, kai mymy i theaung y tla nai khumi ai py kaji hai moh; na i py Tameuh i atiti sa thai naira i saho y Satang Kahawi deaungkho y patang naira y kai kamta kham kyh ba;

HEBRAI 11:35

Neampachychi my nichi i kadeichi ai angthau bi naira y nga teang; khumi takhrachi my khri pa-rei ana patheng paang nai, angthau bi naira hawi tleaung hawi ra nga u thai ai nai lawi naira ly ngai y leang bo;

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.