MARKA 8:31 - Khumi Common Language Bible

³¹ Naibaly Khumi i Chapo ly atiti neangneang patang ai nai saichi py, miteaung kehchi hawi, pathyp pi nai keung kalen kehchi hawi, Reita patiu nai keungchi my ngai y ai nai saichi py, ni ai padei ai nai saichi py, kani thomrei nai kha y angthau teang ai nai saichi py nichi ai patiu amteaung bo.

MARKA 8:31 ပူးပေါင်းရင်းမြစ်များ

SAM 118:22

Yhm sa nai khumichi my khai su nai lengseaung ly aly len keh nai taki i lengseaung lawm bo.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

HOSEA 6:2

Achi ai kani nyh, kani thomrei sala y atho awm iy ham hai teang ai i, mymy i mei keung y awm hai ai.

JONA 1:17

Naibaly Areng my leu pei nai deaungkho y, ngo kalen pui amairei ly Jona ai pajawn vui bo. Jona py ngo taku theung y kani thomrei, vum thomrei aeung ai nai tla bo.

MATTHAI 12:40

Jona ly ngo kalen pui i kajeu theung y kani kani thomrei vum vum thomrei awm nai kamta ly, Khumi i Chapo ly khaileaung theung y kani kani thomrei vum vum thomrei awm teng ai he.

MATTHAI 21:42

Isu my ly nichi teng y, “Yhm sa nai keungchi i lengseaung ngai y nai ly, Huni kypkyp ly taki i lengseaung avo keh nai palawn bo: Huni ly Areng i sa nai ne i, Achi i mei ka-niu y rengrang tlai nai ne,’ nanai ly Tameuh i cha-iu y phai u vai y a?

MATTHAI 27:63

“Areng awi, huni tapawp nai keung ly mymy heng nai khala y ly, ‘Kai ly kani thomrei kani y angthau teang ai,’ nanai kaichi ly adawn vau bo.

MARKA 12:10

‘Yhm sa nai keungchi i lengseaung ngai nai ly, Huni kypkyp ly taki i lengseaung avo keh nai palawn bo;

LUKA 17:25

Na i py huna nai ny y rai khala y mymy ly atiti neangneang patang ai nai tla i, vai deung i kangthauchi my ly ni ai ngai y naimy awm ai nai tla.

LUKA 24:26

Krista ly huna nai atiti patang iy nang parai naira y kun ai nai angchi ny y a?” napi.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 12:48

Ami py kai ai ngai y iy kai i leu thui naichi py tangai y baly, ni ai pasum nai keung leaungrei awm; kai i leu thui nai ly huni leu kypkyp my kani kangkhym y ly mymy ai pasum ryp ai.

JOHAN 2:19

Isu my nichi teng y, “Hini achura yhm kalen pui ly taphra u, kani thomrei sala y kaimy sa teang ai,” nanai pathang.

AMTAW 7:35

“Huni Mosi ai ly, Nang ai krykeung hawi tara chih ai nai keung y ami my ang khai mo? Na nai paka nai ly, lymlo kangpho y kani pri i amtaw thau nai ni teng y amteng nai my ly sabawm i, Tameuh my mymy kypkyp ai ly krykeung hawi lawi hai nai keung ne rau ai nai pato nai ne.

I KORINTH 15:4

naibaly Tameuh i cha-iu leu kamta mymy ai kani thomrei kani y pathau i, Kipha teng y amteng;

1 SAMUELA 10:19

Kai ly nangchi i Tameuh, ngari kamtangchi hawi rai naichi theung i, nangchi ai atleu nai Tameuh ne. Na i py nangchi ly kai ai khai su iy, kai teng y samrang hnei u bo. Hawi mang, nangchi ly Areng i mo y cheng theaung ka-thui, nupai ka-thui angym u,’ nanai leu pei bo,” napi.

1 SAMUELA 8:7

Naibaly Areng my, “Khumichi my nang teng y thui nai ngierei tangai ba; nang ai ly nichi my khai su y leang mang; kai ai naini nichi my khai u su bo; nichi ly kai ai mychi i samrang palawn y bo.