MARKA 16:17 - Khumi Common Language Bible

¹⁷ Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

MARKA 16:17 ပူးပေါင်းရင်းမြစ်များ

MARKA 9:38

Johan my ly ni teng y, “Sara awi, kaichi ly ami mo nang i amyn y vawinamchi ai patheu nai niu i, ni ly achi teng y abang nai ny y nai deaungkho y kaichi my paka veng na a,” napi.

LUKA 10:17

Naibaly vui saryhrei naichi ly kawn parai naimy vawi ali teang iy, “Areng, vawinamchi ai py nang i amyn deaungkho y kaimychi my ngaingai sa pajau,” napi.

JOHAN 14:12

Meitang khypkhyp kang thui pi, ami py kai ai ym baly kai i atiti sa naichi ly ni py sa teang ai; ne, kai ly Ampo teng y chei ai nai deaungkho y mymy ly hini tleaung y atiti len keh naichi sa ai rai.

AMTAW 10:46

ati mana nai mo nabaly leu athai y nai thui nai hawi Tameuh ai palo nai py nichi thai u lawh.

AMTAW 16:18

Mymy ly hunai kamta kani kra parai nai sa. Hunaibaly Pawla ly paleung hawi y i, hi vui iy vawinam teng y ly, “Isu Krista i amyn y mymy i taku theung i dengdairei theu ai nai leu kang pei,” napi. Naibaly huna nai thym khyp khala y my theu ryp bo.

AMTAW 19:6

Naibaly Pawla my mymychi i tlang tleaung y kiu tamam i, Phailo Kachai ly mymychi i tlang tleaung y tym ryp bo; hunaibaly nichi ly leu athai y naimy leu thui iy, Tameh i leu py thui bo.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

AMTAW 5:16

Naibaly Jerusalem ahawi tengtang i avang dengdairei khumi mipuichi ly no naichi hawi vawinam my namnaichi ai py hawi i jeu u achu:nichi ai py hawi sa pi bawibawi.

AMTAW 8:7

Ati mana nai mo nabaly khumi neangneang ai nam naichi i taku theung i dengdairei vawinamchi ly athorei my aeu i theu bo; kamkhyn hawi kheu kambai neangneangchi py hawi pawn veng bo;

I KORINTH 12:10

khumi takhra teng y ly atiti rengrang sa thai ai nairachi pei nai ne; khumi takhra teng y ly phailochi ai pany thai ai naira pei nai ne; naibaly khumi takhra teng y ly leu athai y nai takhra takhra thui thai ai naira pei nai ne; khumi takhra teng y ly leu athai y nai takhra takhra thui pi pachai thai ai naira pei nai ne;

I KORINTH 12:28

Naibaly Tameuh my phyreichi ai ly palau takhra kamkawm theung y khai i, harei naira y ly amtaw thau naichi, pa-nyh naira y ly leu thui nai keungchi, pa-thom naira y ly patiu nai keungchi, huni bo y ly atiti rengrang sa naichi, huni bo y ly no hawi sa thai ai nai atiti sa thai nairachi, sabawm nai keungchi, peang kawp naichi, leu thai y nai takhra takhra thui thai naichi, hunichi ai khai bo.

I KORINTH 12:30

Bawibawi ly leu athai y nai thui bebe a? Bawibawi ly leu thui pi pachai bebe a?

I KORINTH 13:1

Kai ly khumi i leu y hawi kani pri i amtaw thau naichi i leu y leu thui iy py, tamen naira by y pui baly, kai ly kheupaja pakhau nai katyn mo, sa-ra thip nai katyn mo kalawn bo.

I KORINTH 14:2

Leu athai y nai thui nai keung ly khumi teng y thui nai ny y i, Tameuh teng y thui nai teu; ati mana nai mo nabaly mymy i leu thui nai ly ami py pany thai y; na i py mymy ly phailo y ly leu kathiu thui nai ne.