MARKA 15:6 - Khumi Common Language Bible

⁶ Naibaly ni ly pawi kani y ly theaung tla nai khumi leaungrei, nichi i hnei nai ngierei ai ly patheu pi reng.

MARKA 15:6 ပူးပေါင်းရင်းမြစ်များ

MATTHAI 26:2

‘Vai kani nyhrei nai kha y Katlen Vui nai pawi awm ai, nanai nangchi ly pany, naibaly khumi i Chapo ai ly kraws tleaung y tahen ai nai patiu hai ai,” napi.

MATTHAI 26:5

Na i py nichi ly, “Pawi kha y ly ne moh sy, ti y baly khumi humchi theung y khrukhra nai awm lawh na,” napi.

MARKA 15:7

Naibaly khumi leaungrei Barabba napi nai ly achorachi ai tiu naichi hawi vanrei kawm rang naimy awm: huni khumichi ly atiura y khumichi ai padei bo.

JOHAN 18:16

na i py Petera ly angam mang y katheu pa-kho ahawi y angdo jo. Hunaibaly abangnai takhra, pathyp pi nai keung kalen keh hawi meimai apany nai ly theu iy, katheu pa-kho typ nai anglo hawi arum i Petera ai pakun.

JOHAN 19:16

Hunaibaly Pilata ly kraws tleaung y tahen ai nai mymy ai nichi teng y au bo. Hunaibaly nichi ly Isu ai pahawi u;

AMTAW 24:27

Na i py saneng nyhrei chi bo nabaly Porkia Festa ly Felika hawi ali bo; naibaly Felika my ly Judachi theung y amyn kahawi nga ai nai ngai i, Pawla ai ly kawmrang naimy khai jo.

AMTAW 25:9

Na i py Festa ly Judachi theung y amyn kahawi nga ai nai ngai i Pawla teng y, “Nang ly Jerusalem y chei iy, hu y kai i mo y hini leu chih ai nai ngai a?” napi nai pathang.