MARKA 14:72 - Khumi Common Language Bible

⁷² Naibaly a kheaung pa-nyh kheaung praw ryp. Hunaibaly Petera ly Isu my ni teng y, “A tlen nyhrei kheaung y rai kha y nang ly kai ai tlen thomrei apha ai,” napi nai leu ly adawn vau bi. Naibaly ni ly huni satang dawn baly vo ryry.

MARKA 14:72 ပူးပေါင်းရင်းမြစ်များ

2 SAMUELA 24:10

Na i py Davida ly khumi amyn vuikanai la chum nai khala, mymy teng y patang nairachi tym i Areng teng y, “Kai ly hini ka-jei awm nai kamngo sa lawh bo; kai i kamngo pahen pi kyh ba; kai ly kamthu kamleaung kamta sa tamang lawh bo,” napi.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 36:31

Nangchi ly nangmychi i chai y nai sa nai saichi hawi, sa tamang naichi pany u ali teang ai. Nangmychi i kamngochi hawi, hawi y nairachi molam y nangmychi ai apaso u ai.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

MATTHAI 26:34

Isu my ly ni teng y, “Meitang khyp kang thui pi, vai dym ly a kheaung y rai kha y nang ly kai ai tlen thomrei apha ai,” napi.

MARKA 14:30

Naibaly Isu my ni teng y, “Meitang khyp kang thui pi, vaini, vai dym my a tlen nyhrei kheaung y rai kha y nang ly kai ai tlen thomrei apha ai,” napi.

MARKA 14:68

Na i py ni my ly, “Nang i thui nai ly kai pipi pany y, dawn ai nai py pany y,” nanai apha. Naibaly ni ly dangkhum y theu i, a kheaung ryp.

MARKA 14:71

Na i py ni my ly, “Hini nangchi i thui nai khumi ai ly kai pany y,” nanai pasawi iy vaineng abeu amteaung.

LUKA 22:60

Petera my, “Nai awi, nang i leu thui nai ly kai pany y ly,” napi. Naibaly tlenrei khyh my ni ly leu katheu thym khyp khala y a kheaung ryp bo.

LUKA 22:62

Naibaly ni ly theu iy vo ryry.

II KORINTH 7:10

Ati mana nai mo nabaly Tameuh i ngai nai kamta paleung mawn naira my ly hengra nga ai nai pa-rei uikhei naira sa; huni my ly adawn ali naira tym hai y leang, khaileaung pri i paleung mawn naira naini dei naira sa nai teu.