MARKA 14:65 - Khumi Common Language Bible

⁶⁵ Naibaly phyreichi my ly mymy ai pachi pathawi amteaung iy, meimai y mym i tapheu iy mymy teng y, “Thuipi!” napi. Naibaly miseaungchi ly mymy ai patawn iy tabeang ryry.

MARKA 14:65 ပူးပေါင်းရင်းမြစ်များ

2 NENG SATANG 18:23

Huna nai khala amo Zedekiah ly Mikaia sahawi y athui iy, tangbeng y tabeang naimy, “Areng i phailo ly nang teng leu pei ai nai mani neng y, kai teng i nai theu mo?,” nanai deng.

ESTHER 7:8

Ni ly ahui ai nai Esther i ira kadang sahawi y ambeu nai thym khala, samrang ly akho i nai tym teang i, dym biu cha nai meingtym mang y kun bo. Naibaly Haman i sa nai sai niu nai khala y samrang my, “Hini khumi ly samrangnu ai samrang yhm angtheung, kai i mo y my pajang ai nai sa lawh a?” nanai aeu bo. Samrang my hina nai kamta thui nai khala y tli chum naichi ly Haman i meimai y tleang u bo.

JOBA 30:10

Nichi ly kai ai niu ngai y i, mychi hawi amtawn abi ai nai ataing y, nanai athang khai u bo; nichi ly jeu iy, kai i meimai y malawn py, pachi ang pathawi u bo.

ISAIA 50:6

Kai ly kai ai pakhau nai khumichi teng y nithun anam amteng pi nai ne. Kai i labeaung muichi aprei chum baly, kai i meimai y pachi pathawi iy, kai ai nichi my ana nai khala, kai ly nichi ai paka y leang.

ISAIA 52:14

Khumichi ly ni ai niu nai khala y, phailo seaung u bo. Ni ly khri pa-rei mo-cha phra nai deaungkho y, khumi hawi py atawm y na bo.

ISAIA 53:3

Kaichi ly ni ai paso i, khai su nai ne. Ni ly ngari kamtang hawi no patang nai avum. Ni ai khen alengli nai khumi leaungrei py by y. Kaichi ly ni ai vang teng y nai khumi kamta, athang khai y naimy nai ne.

MIKHA 5:1

Jerusalem mary i khumichi awi, nangchi i tavaimichi ai kachu u! Kaichi ai paleung ka-echi my katanmeuh bo. Nichi ly Israela chengchi i lu sa naichi ai tamyh pawn ai nai atho sa u bo!

Kati Nai 12:14

Areng my Mosi teng y, “Ni i meimai y ampo my pachi pathawi pi baly, ni ly kani saryhrei angji ngailai naimy awm ai. Hunai deaungkho y ni ly tai i angam mang y kani saryhrei awm sy, huni bo y tai theung y kun hai ali teang,” napi.

MATTHAI 27:30

Naibaly nichi ly mymy ai pachi pathawi iy speung ly la pi i lu y pakhau.

MARKA 10:34

naibaly nichi my ly mymy ai panui hai ai i, pachi pathawi u iy, chip i padei ai: naibaly mymy ly kani thomrei kani y angthau teang ai,” nanai mymy i tlang tleaung y atiti tym ai nai saichi lynichi teng y thui pi.

MARKA 15:19

Naibaly mymy i lu y speung hawi pakhau nai mymy ai pachi pathawi i, kheukhu di iy chiu u.

JOHAN 18:22

Huna nai thui pajau baly ahawi i angdo nai miseaung lu leaungrei my ly Isu ai tabeang i, “Pathyp pi nai keung kalen keh ai hina nai kamta pathang lawh a?” napi.

JOHAN 19:3

naibaly nichi ly ahawi y chei iy, “Kawn ba Judachi i samrang awi!” napi i tabeang u.

AMTAW 23:2

Naibaly pathyp pi nai keung kalen keh Anania my ly ni i ahawi y angdo naichi teng y ly ni i labeaung y tabeang pi ai nai leu pei.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.