MARKA 14:62 - Khumi Common Language Bible

⁶² Naibaly Isu ly, “Ne: naibaly nangchi ly Khumi i Chapo atiti py sa thai nai keung i lamtang mang y ateh nai, kani mang i khupanym theung y jeu nai niu u ai,” napi.

MARKA 14:62 ပူးပေါင်းရင်းမြစ်များ

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

MATTHAI 24:30

huna nai kha y ly Khumi i Chapo i ka-ma-ra ly kani mang y amteng ai: naibaly huna nai khala y ly khaileaung pri i cheng cheaungkhangchi ly vo iy paleung y atum ai i, Khumi i Chapo ly atiti sa thai naira hawi khri pa-rei nang parai naira hawi kani mang i khupanym tleaung y jeu nai niu ai.

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

MATTHAI 27:11

Naibaly Isu ly aripeng i mo y angdo i aripeng my ly, Nang ly Judachi i samrang ne a? napi nai deng. Naibaly Isu my ly ni teng y, “Nang ly thui khyp bo,” napi.

MARKA 13:26

Huna nai khala y ly Khumi i Chapo ly atiti sa thai naira ka-teng ny y nai hawi, nang parai naira hawi khupanym theung y jeu nai niu u ai.

MARKA 15:2

Naibaly Pilata ly mymy teng y, “Nang ly Judachi i samrang ne a?” napi nai deng. Naibaly mymy ly ni teng y, “Nang ly thui khyp bo,” napi.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

LUKA 22:69

Na i py vai i dengdairei Khumi i Chapo ly Tameuh i atiti sa thai naira i lamtang mang y ateh ai bo,” napi.

LUKA 23:3

Naibaly Pilata my ly ni teng y, “Nang ly Judachi i samrang ne a?” nanai deng. Naibaly mymy ly ni teng y, “Nang ly thui khyp bo,” nanai pathang.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 8:1

Hunaibaly kaichi i leu thui naichi theung y aly len keh nai ly hini ne he: achi ly hunai kamta pathyp pi nai keung kalen keh;

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

II PETERA 1:16

Kaichi ly achi i Areng Isu Krista i atiti sa thai nai sai hawi mymy i ang jeu bi ai nai leuchih patawm nai ny y leang; kaichi ly mymy i nang parai nai sai niu nai keungchi ne chy bo.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.