MARKA 14:18 - Khumi Common Language Bible

¹⁸ “Meitang khyp kang thui pi, nangchi theung i leaungrei, kai teng y cha teang nai kypkyp my ly kai ai ang patiu hai ryp ai,” napi.

MARKA 14:18 ပူးပေါင်းရင်းမြစ်များ

SAM 41:9

Kai i khrei keh nai, kai i ka-ym awm keh nai, kai hawi vanrei biu o ahawi nai khumi, kai i ahawi my malawn py, kai ai kheu hawi ang pathui bo.

MATTHAI 26:21

naibaly nichi ly cha u nai thym khala y mymy ly, “Meitang khyp kang thui pi, nangchi theung i leaungrei my kai ai ang patiu hai ryp ai,” napi.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:2

Hunaibaly nang ly amichi teng y atiti pei baly khumichi i palo naira nga thai ai nai, tapawp nai khumichi i achura yhm hawi lam y sa reng nai kamta ly nang i mo y baw eng hai reng moh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

MARKA 10:15

Meitang khyp kang thui pi, ami py Tameuh i peang nai ly deaungdichy my kawn nai ka-tawm kawn y nai ngierei ly theung y kun ai nai ly aveng,” napi.

MARKA 10:29

Isu ly, “Meitang khyp kang thui pi, ami py kaimy deaungkho y hawi Satang Kahawi deaungkho y py yhm mo, amjo amnauchi mo, tuichochi mo, amhm mo, ampo mo, chanauchi mo, hlau mo khai jo nai ngierei ly,

MARKA 14:17

Naibaly dym mang y mymy ly holai nyhreichi hawi chei i, biu o nai cha u nai thym khala y Isu my,

MARKA 14:19

Naibaly nichi ly khri pa-rei paleung mawn u nai leaung leaungrei ly mymy teng y, “Kaimy a?” napi bawibawi.

MARKA 14:25

Meitang khyp kang thui pi, kai ly Tameuh i peang naira y kangtha kanei ai nai kani tym y ryrei ly, kreip angjyn athai hang ly kanei ali y leang bo,” napi.

MARKA 14:9

Meitang khyp kang thui pi, khaileaung pri verei y ma y py hini Satang Kahawi thui pi naira tleirei y hini neampachy i sa nai py mymy ai pany jo ai nai thui jojo teang ai,” napi.

MARKA 3:28

Meitang khyp kang thui pi, Khumichochi ai ly mymychi i kamngo bawibawichi hawi Tameuh ai thui tamawn nai atiti thui tamawn nai py ne sy pahen pi ai:

MARKA 6:11

Naibaly mani avang y py nichi my nangchi ai kawn y iy, nangchi i leu py tangai y nai ngierei y ly, hu i dengdairei theu u nai khala y ly, mymychi ai pany hai ai nai nangchi i kheu padawi i spryh ly katheng u,” napi.

MARKA 8:12

Naibaly mymy ly khri pa-rei taho sun i, “Ati mana nai vai deung i kangthauchi ly ka-ma-ra hau lawh mo? Meitang khyp kang thui pi, vai deung i kangthauchi teng y ly ka-ma-ra pipi patei ai ny y”, napi.

MARKA 9:1

Naibaly mymy ly nichi teng y, “Meitang khyp kang thui pi, hi i angdo nai phyreichi ly Tameuh i peang nai ly atiti sa thai naira hawi tym nai niu u y ryrei ly dei naira den py pateng ai ny y,” napi.

MARKA 9:41

Ami py nangchi ly Krista i khumi ne nai deaungkho y nangchi ai tui khaurei nei ai nai pei nai ngierei ly, meitang khyp kang thui pi, ni ly kawn nai vang ly pipi tamo pajau y leang.

LUKA 11:51

amo bawibawi i thi khaileaung palum angchei nai dengdairei theu nai ly, vai deung kangthauchi i tlang tleaung y vawitheung tha pajau ai, nanai ly; ne, kang thui pi, vai deung kangthauchi i tlang tleaung y vawitheung tha ai.

LUKA 22:21

Na i py khen cham, kai ai patiu hai ai nai keung i kiu ly kai i ahawi y sabawi tleaung y awm.

LUKA 4:24

Naibaly mymy ly, “Meitang khyp kang thui pi, amo ami ai py amy i avang my kawn vai y leang.

JOHAN 1:51

Naibaly Isu my ni teng y, “Meitang khypkhyp kang thui pi, kani am-eaung iy Tameuh i kani pri i amtaw thau naichi Khumi i Chapo i tlang tleaung y kathui kalau nai py niu u ai,” napi.

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

JOHAN 13:21

Isu ly huna nai thui pajau baly paleung mawn i, “Meitang khypkhyp kang thui pi, nangchi theung i leaungrei my kai ai patiu hai ryp ai,” nanai pany hai bo.

JOHAN 13:22

Naibaly abangnaichi ly ami ai napi nai mo, nanai pany y i, akhen u lengleang.

JOHAN 13:38

Isu my, “Kaimy i vui y nang i hengra pei ai lo-oh? Meitang khypkhyp kang thui pi, nangmy kai ai tlen thomrei apha y ryrei ly a kheaung ai ny y.

JOHAN 21:18

Meitang khypkhyp kang thui pi, nang ly thawndeang khala y neina akyn iy, nangmy ngai naira tleirei y aleaung; na i py miteaung bo nabaly nang ly kiu palam ai i ami my kawm hai iy, nang i ngai y naira mang y ang pahawi ai,” napi.

JOHAN 3:11

Meitang khypkhyp kang thui pi, kaichi i pany nai ly kaichi thui, kaichi i niu nai py kaichi pany hai, na i py kaichi i pany hai nai leu ly nangchi ym y lawh.

JOHAN 3:3

Isu my pathang i ni teng y, “Meitang khypkhyp kang thui pi, khumi ami py kangtha tapen y baly Tameuh i peang naira niu thai y leang,” napi.

JOHAN 3:5

Isu my pathang i, “Meitang khypkhyp kang thui pi, khumi ami py tui y hawi Phailo y tapen y baly Tameuh i peang naira y kun thai y leang.

JOHAN 5:19

Hunaibaly Isu my nichi teng y, “Meitang khypkhyp kang thui pi, Chapo ly ampo i atiti sa nai niu y baly amy tlairei ati sai py so thai y leang: ni i atiti sa nai ngierei ly Chapo py sa teang.

JOHAN 6:26

Naibaly Isu my nichi teng y, “Meitang khyp kang thui pi, nangchi ly kai i rengrang sa naichi niu nai deaungkho y kai ai hau nai ny y leang, nangchi ly tako phi cha nai kajeu kawi nai deaungkho y teu.

JOHAN 6:32

Naibaly Isu my nichi teng y, “Meitang khypkhyp kang thui pi, kani pri mang i dengdairei nangchi i tako nga nai ly Mosi my ang pei nai ny y leang; na i py Ngaai my ly kani pri mang i dengdairei tako tatang ang pei.

JOHAN 6:47

Meitang khypkhyp kang thui pi, ym nai khumi ly deungtasarei hengra nga bo.

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.