MARKA 12:31 - Khumi Common Language Bible

³¹ Huni bo i nai ly hini ne he: ‘Nangmy ai atamen nai kamta nang i saleaungchi ai py tamen ai nai tla,’ nanai ne. Hini tleaung y leu pei nai len keh nai ly ha py by y,” napi nai pathang.

MARKA 12:31 ပူးပေါင်းရင်းမြစ်များ

Levi 19:13

“Amy tleaung y atho di nai khumi ai, kamjau kamteang khai moh; ami i vawnsai lawm moh. Ka-tham vang pei ai awm nai ly kani dym y naimy pei praw ai nai tla; khawn mang khrairei pei y naimy khai moh.

Levi 19:18

Ami ai vawitheung tha moh, paleung ka-e khai moh. Nangmy ai atamen nai kamta saleaung deaungpa ai py tamen ai nai tla. Kai ly Areng ne.

MATTHAI 22:39

Naibaly huni ka-tla atawm hui nai ly hini he, ‘Nangmy ai atamen nai kamta nang i saleaungchi ai py tamen ai nai tla,’ napi nai ne.

MATTHAI 7:12

Hunaibaly ati cheaungkhang amichi my nangchi i tlang tleaung y so pi khyly, nanai ngai nai ngierei ly, mymychi i tlang tleaung y py so pi teang; huni ly Reita leu hawi amochi i leu ne.

MARKA 12:32

Naibaly Reita patiu nai keung my ly ni teng y, “Teng khyp lawh y Sara, mymy ly leaungrei ne khyh, nanai nang i thui nai ly teng khyp mang; mymy ny y baly ami py takhra by y:

LUKA 10:27

Naibaly ni my ly, “Nang i Areng Tameuh ai ly nang i paleung verei hawi, nang i phailo verei hawi, nang i atho bawibawi hawi, nang i dawn nai bawibawi hawi nang tamen ai nai tla; nangmy ai atamen nai kamta nangmy i saleaungchi ai py tamen ai nai tla, nanai he,” nanai pathang.

KALATIA 5:14

Ati mana nai mo nabaly, “Nangmy ai atamen nai kamta ly nang i saleaungchi ai py tamen ai nai tla,” napi nai leu sairei naira y ly Reita bawibawi ly angym be veng bo.

I JOHAN 4:21

Achi ly mymy teng i dengdairei hini leu pei nai ly awm he; ami py Tameuh ai tamen baly, mymy i amjo amnau ai tamen teang ai nai tla, napi nai ne.