MALAKHI 4:5 - Khumi Common Language Bible

⁵ “Na i py khri pa-rei ka-jei awm nai neng kani tym y rai khala, kai ly amo Elija ai nangchi teng y kang pato ai.

MALAKHI 4:5 ပူးပေါင်းရင်းမြစ်များ

ISAIA 40:3

Raawi harei my, “Daichi ka-vymra y Areng jeu ai nai lam so u rym! Achi i Tameuh jeu ai nai lam pachai u!

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

ZEPHANIAH 1:14

Areng my tara chih ai nai kani kalen ly kasa bo i, kasa tleaung kasa ra bo. Huni neng kani ly tym kasa ai! Huni kani ly hawi y keh nai deaungkho y, sorai paleung awm keh nai risa malawn py, paleung phra naimy aeu ai.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

LUKA 1:17

Naibaly ampochi i paleung ly chanauchi mang y ali hai ai nai hawi, leu tangai y naichi ai khumi kahawichi i cheng naira mang y ali hai ai nai py, Areng i vui y amcheang yb nai khumichi ai angvei hai rym ai nai, Elija i paleung hawi sa thai naira apu naimy Areng i mo y tako ai,” napi.

LUKA 9:30

Naibaly khen cham, khumi leaung nyhrei mymy hawi leu arum, hunini ly Mosi nini Elija ne;

JOHAN 1:21

Naibaly nichi ly mymy teng y, “Ami naibaly? Elija a?” nanai deng bi. Naibaly ni my ly, “Ny y leang,” nanai pathang bi. Nichi my teang, “Huni amo a?” nanai deng taleang bi. Ni my ly, “Ny y leang,” nanai pathang taleang bi.

JOHAN 1:25

Naibaly nichi my ly ni teng y, “Nang ly Krista khy ny y, Elija kyh ny y, Amo kyh ny y bi baly, ati mana nai baptis sa lawh be?” nanai deng bi.

AMTENG HAI NAI 6:17

nini i kado theu naira kani aly len parai nai ang tym nai bo he; hunaibaly ami angdo pajau ai mo?” napi.