MALAKHI 4:4 - Khumi Common Language Bible

⁴ “Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

MALAKHI 4:4 ပူးပေါင်းရင်းမြစ်များ

ISAIA 42:21

Areng ly atleu ai nai paleung awncha nai Tameuh ne iy, mymy ly my i reita hawi mymy i leu tahm khai nai khumi lawm ai nai aly ngai nai ne.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

ROM AVANGCHI TENG Y PAWLA I CHA PA NAI 3:31

Hunaibaly achi my Reita ly ati sai py ny y nai palawn lawh a? Ny y leang, achi ly Reita ai khaw hai nai teu.

Leu Thui Nai 4:10

Sinai mawiy nangchi i Areng Tameuh i mo y nangchi tym u nai thym khala, mymy ly kai teng y, ‘Mipuichi ai kachu u. Kai i leu pei nai ngiereichi tangai hai. Huna khala naini nichi heng nai sala ryrei ly kai ai jei naimy tahm khai u ai,’ nanai kai ai leu pei naichi ai, nangchi i katu chanauchi teng y patiu pi.”

Leu Thui Nai 4:23

Nangchi i Areng Tameuh my nangchi hawi asa nai Leu Maikawm ai ly pany jo ba. Mymy i leu phai tangai u, nangchi i vui y takhra mynchi so u moh.

Leu Thui Nai 5:2

Achi i Areng Tameuh ly Sinai mawi salo y achi hawi Leu Maikawm asa nai ne.

Leu Thui Nai 8:11

“Nangchi i Areng Tameuh ai tami y ai nai dawn patyp u; vaini nangchi teng y kang pei nai mymy i reitachi patawm ai nai tami u moh.

Leu Thui Nai 8:19

Nangchi i Areng Tameuh ai tami vui iy, tameuh takhrachi ai chiu u moh. Huna nai sa lawh baly nangchi ly phra takengkei ai, nanai nangchi teng y vaini kang pany hai nai bo.