MALAKHI 3:7 - Khumi Common Language Bible

⁷ Nangchi ly nangmychi i amsi pajochi kamta, kai i reita leuchi ai tangai y naimy, amphri u vui bo. Nangchi ly kai teng y jeu u ali teang. Kai py nangchi teng y kang jeu teang ai. Na i py nangchi my, ‘Nang teng y kang jeu pajau ai nai kaichi ati kasa u ai mo?’ nanai deng u bo.

MALAKHI 3:7 ပူးပေါင်းရင်းမြစ်များ

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

JEREMIA 16:11

Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 16:12

Na i py nangchi ly nangmychi i amsi pajochi tleaung y malawn py, khri pa-rei hawi y nairachi sa u nai ne. Nangchi bawibawi ly paleung tang, hawi y iy kai i leu tangai u y.

JEREMIA 3:22

Ka-ym by y nai khumi bawibawichi awi, jeu u ali teang jau; Areng ly nangchi i sa tamang naichi pahen pi ai. Nangchi my, “Ne, nang ly kaichi i Areng Tameuh ne nai deaungkho y, kaichi ly nang teng y kang jeu u ai.

JEREMIA 7:25

Nangchi i amsi pajochi ly Aikupta pri i nai theu u nai kani dengdai vaini khrairei, kai ly kaimy i amochi ai kang pato pi jojo nai ne.

JEREMIA 7:26

Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

Ezekiela 2:3

“Nang khumi cho awi, kai ai tiu nai Israela khumichi theng y nang ai kang pato ai. Nichi ly mymychi i amsi pajochi kamta, vai khrairei kai ai ang tiu u nai ne.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

Ezekiela 20:21

“Na i py huni khumi kangpreangchi py kai ai amtang u nai ne. Kai i leu pei nai tangai nai ngireichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Nichi ai daichi ka-vym y dei hai ai nai, kai ly kaimy i kado theu naira nichi i tlang tleaung y tym hai iy, pajeng naira avum hai ai, nanai kadawn bo.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

ZEKHARIAH 1:3

Na i py vai nangchi ly kai teng y vawi u ali teang; kai py nangchi teng y kang jeu ai.

MALAKHI 1:6

Ati cheaungkhang sa thai nai Areng ly pathyp pi nai keungchi teng y, “Chapo ly ampo ai py, miseaung ly yhmkeung ai py, tahm khai bo. Kai ly nangchi i ampo ne. Ati mana nai y nangchi ly kai ai tahm khai u y lawh mo? Kai ly nangchi i yhmkeung ne. Nangchi ly kai ai tahm pateng u y lawh mo? Nangchi ly kai ai khumi amiu y nai sa iy, “Nang ai kaichi my ati mana mei aniu y nai kasa u lawh mo?” nanai deng u bo.

MALAKHI 3:13

Areng my, “Nangchi ly kai i satang ai hawi y nai satangchi palawn iy thui u bo. Na i py nangchi my, ‘Kaichi ly nang i satang ati mana kathui u mo?’ nanai deng u.

MATTHAI 23:27

“Reita patiu nai keungchi hawi Phraisai tapawp naichi awi, nangchi ly taham si! Tapreaung kaleung bau pa-rei paju iy, salo mang y ly apu pa-rei amteng i, theung mang y ly khumi kadeichi i hiu hawi chai y nai cheaungkhang kawi naichi kamta atawm nangchi ly!

LUKA 15:16

Naibaly eu i cha nai keu hawi mymy i kajeu apakawi ai nai khrikhri pa-rei ngai; naibaly ami py ni ai ati sai py pei y.

ROM AVANGCHI TENG Y PAWLA I CHA PA NAI 10:21

Na i py mymy ly Israelachi i molam y ly, Leu tangai y nai hawi aawi naichi teng y Kani khengrei kai kiu jaha na ly,” napi.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

ROM AVANGCHI TENG Y PAWLA I CHA PA NAI 7:9

Naibaly kai ly jangni y ly Reita ny y naimy kaheng; na i py leu pei nai awm bo nabaly kamngo ly amcheng teang iy, kai ly kadei bo.

Leu Thui Nai 31:20

Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,

JAKOB 4:8

Tameuh hawi kasa u, hunaibaly ni py ang kasa ai mang. Khumi kamngochi awi, nangchi i kiu ly asi u pan; atiti sa nai bawibawira y so tangei chei y naichi awi, nangchi i paleung apachai u.