MALAKHI 3:16 - Khumi Common Language Bible

¹⁶ Naibaly Areng ai jei kaji naimy tahm khai nai khumichi, mychi tengtawi arum u nai leuchi ai Areng ly tangai nai deaungkho y thai bo. Areng ly mymy ai jei kaji naimy tahm khai nai khumichi i amynchi ai, mymy mo i cha-iura y tajiu typ bo.

MALAKHI 3:16 ပူးပေါင်းရင်းမြစ်များ

ATITI AWM ANGCHEI NAI 22:12

Kani pri amtaw thai naimy, “Deaungdi cho ai no pei moh; ni ai ati sai py so hai moh. Vai nang ly Tameuh i leu tangai, tahm py khai, nanai kang pany bo. Ati mana nai mo nabaly nang ly nangmy i chapo leaungrei awm khyh nai ai pasai y nai deaungkho y ne,” napi.

2 SAMUELA 7:1

Samrang Davida ly mymy i samrang yhm y tlamsa naimy awm nai khala y, Areng ly samrang Davida ai paleung ka-echi teng i nai chymme hai nai deaungkho y,

1 ARENG KEH 18:12

Naibaly kai ly hu y chei phai chei baly Areng i phailo my nang ai, kai pany y nai meingtym y hawi veng lawh baly, kai mana kasa ai mo? Hini meingtym y nang awm, nanai samrang teng y amti pi chum nai khala, samrang ly nang ai avum y lawh baly kai ai ang tleh ai. Kai ly deaungdichy khala i dengdairei Areng ai khri pa-rei tahm khai nai ne, nanai pany pi bo.

1 ARENG KEH 18:3

Hunai deaungkho y Ahab ly samrang yhm kry nai keung Obadia ai palau. (Obadia ly Areng my khri pa-rei tahm khai nai deaungkho y,

2 NENG SATANG 6:7

Naibaly Solomon my thui bi nai ly “Kai i ampo Davida ly Israela chengchi i Areng Tameuh ai chiu naira Achura yhm sa ai nai paran teu i py,

NEHEMIA 1:11

Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

ESTHER 2:23

Huni molam chih nai khala, Modekai my pei nai satang ly teng, nanai pany nai deaungkho y, huni leaung nyhrei ai akaeu naira y padei vui nai ne. Samrang ly hini molam y empara pri cha-iu theung y tajiu hai typ bo.

ESTHER 6:1

Huni vum y samrang ly i kamhm pei y nai deaungkho y empara pri peang nai cha-iu hnei i, phain hai bo.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 10:4

Khumi aso y naichi ly Areng ai dawndan y; ni ly amlyh am-e iy Tameuh by y, nanai dawn jojo.

SAM 104:33

Kai ly kaimy deungrei, Areng ai khulym thui naimy palo ai; kai ly heng nai ryrei, Tameuh ai palo nai khulym thui pi ai.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 115:13

Mymy ly mymy ai jei naimy tahm khai nai khumi bawibawichi teng y, kamawn, kanang khawi patleh y naimy amtheaung naira pei ai.

SAM 119:63

Kai ly nang i kalop sa pi nai khumi bawibawichi hawi, reita leu tangai nai khumi bawibawichi i ahawi ne.

SAM 139:4

Kai i labeaung ang y rai khala my, nang ly kai i thui ai nai leuchi pany yb veng nai ne.

SAM 147:11

Na i py mymy ai jei naimy tahm khai naichi, khaw parai nai tamen naira ai ym nai khumichi ai aly ngai nai ne.

SAM 16:3

Areng ai ka-ym awm nai khumi ly khri pa-rei hawi parai na lawh ly! Kai i ngai keh nai ly huni khumichi hawi vanrei awm ai nga nai ne.

SAM 20:7

Phyrei khumichi ly mychi i tavai ka-ri hawi keaungngochi ai a-ym u. Na i py achi ly achi i Areng Tameuh ai a-ym u nai ne.

SAM 33:18

Areng ly mymy ai jei kaji nai hawi khaw parai nai tamen naira ai ym nai khumichi ai kry nai ne.

SAM 34:15

Areng ly khumi kahawichi ai kry iy, nichi i aeu nai raawi pathang pi bo.

SAM 56:8

Kai i patang naira avum ai nai, nang ly pany nai ne; nang ly kai i meikatui beu naichi ai cha-iu theung y tajiu iy, khai pi typ bo. Nang i cha-iu theung y tajiu iy khai pi typ nai ny y a?

SAM 56:9

Nang teng y kai i hnei takeng nai kani y, paleung ka-echi ly anaw u pawn ai. Tameuh ly kai mang y awm, nanai kapany bo.

SAM 66:16

Tameuh ai jei kaji naimy tahm khai nai khumi bawibawichi awi, jeu ly tangai u; mymy ly kai i vui y ati mana hawi ang sa pi mo, nanai kaimy kang thui pi ai.

SAM 94:19

Kai ly paleung mawn naimy ka-dawn hawi y nai tym nai khala y, nang ly kai ai paleung awmnem naira pei iy amo theu hai bo.

THEU NAI 32:32

Nichi i kamngo pahen pi kyh; na i py nichi i kamngo pahen pi y ai na baly, nang i khumi amyn tajiu nai cha-iu theung i nai, kai i amyn taphra vui teu,” nanai takeng bo.

LEU KACHENG 13:20

Khumi kachengchi hawi amkawm nai khumi ly khumi kacheng lawm ai. Khumi hawi y naichi hawi amkawm nai khumi ly phra ai.

ISAIA 26:3

Aw Areng, nang ly paleung meitang ne i nang ai ym nai khumichi teng y tlamsa naira tatang pei pi bo.

ISAIA 26:8

Kaichi ly nang i ngai nai kamta sa iy, nang ai athang khai naimy awm; nang ai naini kakadeaung u bo.

ISAIA 4:3

Tameuh my vawi takhra naira abawi iy, Jerusalem mary y awm rai nai khumi ngiereichi ai ly khumi kachaichi ne, nanai amyn pathi ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 65:6

“Nichi i tlang tleaung y ati mana kapajeng ai mo, nanai kai ly dawn yb veng bo. Nichi i vui pajeng ai nai py tajiu yb bo. Kai ly nichi i sa naichi ai khen teu ai ny y.

JEREMIA 31:18

“Israela chengchi i paleung si naimy takeng nai ly kai thai bo. ‘Aw Areng, kaichi ly aveng nai sicho hawi atawm; na i py nang ly kaichi ai leu tangai ai nai patiu pi nai ne. Kaichi ai pahen ali teang kyh ba. Kaichi ly nang teng y vawi ali teang ai nai angveirym bo. Nang ly kaichi i Areng Tameuh ne.

JEREMIA 8:6

Kai ly hawihai palai katangai pi teu i py, nangchi ly leu meitang katheu u y. Nangchi theung y ami py nangmychi i hawi y nai molam y paleung mawn u y. ‘Kai ly ati hawi y nai kasa lawh mo?’ nanai ami py deng u y. Tavai keung y athorei my angpreng nai keaungngo kamta, khumi luteng ly amy ngai ngai sa u lawh.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

LUKA 2:38

Hunai thym khala y mymy ly jeu khyp i Tameuh teng y kawn nai leu thui i, Jerusalem atleu ai nai athang khai nai ngiereichi teng y ly ni i satang thui pi.

AMTAW 1:13

Naibaly tym u i mymychi i awm naira salo i sambeu y lyn kalau bo; Petera py Johan py Jakob py Andria py, Philipa py Thoma py, Bartholomai py Matthai py, Alphai i chap Jakob py, Zelota kamkawmchi i khumi Simon py, Jakob i chapo Juda py.

AMTAW 10:2

Tameuh ai py dawn parai nai khumi, mymy hawi mymy i dengtheungchi bawibawi py Tameuh ai tahm khai, amichi teng y py mymy ly atiti neangneang pei reng, Tameuh teng y py chiu sa jojo.

AMTAW 2:1

Naibaly Pentekost kani tym kha y nichi bawibawi paleung vanrei my meingtym harei y awm achu be.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

EPHESI 5:19

samchi hawi, khulymchi hawi, phailo ai kawn hai nai khulymchi py thui u ahawi iy, Areng ai ly nangchi i paleung y khulym thui pi nai taro beu pi u;

I THESALONIKA 5:11

Hunai deaungkho y nangchi i sa reng nai kamta ly apachei u leungtang iy akhaw hai u.

I THESALONIKA 5:14

Nangmychi tengtawi aly nai awm u. Naibaly amjo amnauchi awi, reita ny y nai kamta awm naichi ai ly parip u ly, vam y naichi ai pachei u ly, ham y naichi ai sabawm u ly, bawibawichi teng y amnym naimy awm u.

HEBRAI 10:24

naibaly tamen naira y hawi atiti kahawi sa naira y py apachei ai nai dawn u leungtang sina;

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.